ދިިވެހިރާއްޖޭގައި ތައްޔާރު ކުރެވިފައިވާ ފުރަތަމަ އެންޑްލަސް ރަނާ ގޭމު ކަމުގައިވާ "އަތޮޅު ދުވުން" ގޭމުން މި މޭ މަހު އެއްވަނަ، ދެވަނަ އަދި ތިންވަނަ އަށް ދާ ފަރާތްތަކަށް އުރީދޫ މޯލްޑިވްސްގެ ފަރާތުން އަގުހުރި އިނާމުތަކެއް ހުށަހަޅައިފިއެވެ.
އުރީދޫ އިން ބުނީ އުރީދޫގެ އަތޮޅު ދުވުން ގޭމުގައި ފެނިގެން ދާނީ މާލެކަމަށެވެ. އަދި މާލޭގައި ދުވެގެން ލީޑާބޯޑުގެ އެއްވަނައަށް ދާ ފަރާތަށް އުރީދޫގެ ފަރާތުން ޕްލޭސްޓޭޝަން 5 ލިބިގެންދާނެ ކަމަށްވެސް އުރީދޫއިން ވަނީ ބުނެފައެވެ. މީގެއިތުރުން ދެވަނަ އަށް ދާ ފަރާތަކަށް ސޮއްޓިބިޒް ގެ ފަރާތުން ގޯޕްރޯ ހީރޯ ބްލެކް މިނީ 11 އެއް ލިބޭ އިރު، ތިންވަނަ އަށް ދާ ފަރާތަކަށް ރެޑްވޭވްގެ ފަރާތުން 55' ގެ ސްމާޓް ޓީވީ އެއް ވަނީ ހުށައަޅާފައެވެ.
އެޕަލް އެޕްސްޓޯ އަދި ގޫގުލް ޕްލޭސްޓޯ އިން ވެސް "އަތޮޅު ދުވުން" ޑައުންލޯޑު ކުރެވޭނެއެވެ. މިގޭމުގައި 12 ލެވެލް ހިމެނޭއިރު، ކޮންމެ މަހަކު އާލެވެލެއްގައި އާ ރަށަކަށް ދަތުރުކުރެވޭނެކަމަށާއި އަންލޮކް ވެގެންދާ ލެވެލް ކުޅެވޭނީ ހަމައެކަނި އެމަހަކުކަންވެސް އުރީދޫއިން ވަނީ ބުނެފައެވެ.
ކަލަންޑަރުގައި ހިމެނޭ މަންޒަރުގައި ސިއްރު އާޓްވޯކެއް ހިމެނިފައިވާނެކަމަށާއި މި އާޓްވޯކް ގޭމްގެ ތެރެއިން ހޯދައިގެން ބޯނަސް ލެވެލްއެއް ކުޅުމުގެ ފުރުސަތު ލިބިގެންދާނެކަމަށްވެސް އުރީދޫއިން ވަނީ ބުނެފައެވެ.
އަތޮޅު ދުވުން ގޭމަކީ ރާއްޖޭގައި އުފައްދާފައިވާ ފުރަތަމަ "ކެޝުއަލް ރަނާ" ގޭމެވެ. މި ގޭމް ތައްޔާރުކުރީ ލޫޕްކްރާފްޓްގެ ޓީމުންނެވެ.
