އިމިގްރޭޝަންގެ ޑިޓެންޝަން ސެންޓަރުގެ ކުރިމަތީގައި ޕާކުކޮށްފައި އޮތް ވޭނެއްގައި ޖެހި ހިނގި އެކްސިޑެންޓެއްގައި އަނިޔާވި ޒުވާނާ ފަރުވާ ދެމުން ދަނިކޮށް ނިޔާވެއްޖެއެވެ.
މިދިޔަ ހޯމަ ދުވަހުގެ މެންދަމު 2:30 ހާއިރު ބާރަށް ދުއްވާފައި ދިޔަ ސައިކަލެއް ކޮންޓްރޯލުން ނެއްޓި، ޑިޓެންޝަން ސެންޓަރުގެ ކުރިމަތީގައި އޮތް ވޭނެއްގައި ޖެހި ހިނގި އެކްސިޑެންޓުގައި އަނިޔާވެފައިވަނީ އުމުރުން 19 އަހަރުގެ މުހައްމަދު ލަޔާން ޝަރީފަށެވެ.
މި އެކްސިޑެންޓުގައި އޭނާ ދުއްވި ސައިކަލު ވަރަށް ބޮޑަށް ހަލާކުވެ، ސައިކަލުން ޖެހުނު ވޭނަށް ވެސް އެކިވަރުގެ ގެއްލުންވެފައި ވެއެވެ.
ބައެއް މަސްދަރު ތަކުގައިވާ ގޮތުން، ލަޔާނަށް ލިބުނު އަނިޔާތަކަށް ފަރުވާދެމުން ދިޔައީ ހުޅުމާލޭގެ ޓްރީޓޮޕް ހޮސްޕިޓަލުގައި، ވެންޓިލޭޓަރުގައި ބާއްވައިގެންނެވެ.
އެކްސިޑެންޓުގައި ލިބުނު އަނިޔާތަކަށް ފަރުވާ ހޯދަމުން ދަނިކޮށް ލަޔާން ނިޔާވީ މިއަދު ކަމަށް، އެ މަސްދަރުތަކުން ބުނެފައިވެއެވެ.
ބަސް ފޮތެއްގައި ލިޔެފައި އޮތަސް ޒަމާނުއްސުރެ "ނިޔާ" "ނިޔައު " އެއީ ދެބަހެއް. ފަނޑިޔާރު ނިޔާ ކަނޑަ އަޅާނީ މަރުވީމާ ނިޔައު ބޭނުން ކުރަނީ...އާނ ހިނގާރަށް ދުވާރު ވެސް ކިޔަނީތާ. ޙަޤީޤަތެއް ނެތް ފޮނި ކެނޑުމަށް ޒަމާނުއްސުރެ ކިޔަނީ ސަޅި ކެނޑުމޭ .އެކަމަކު މިހާރު އެވެސް ވެއްޖެ ރީއްޗަށް. ފަންގި ފިލާއަށް ބުރި އޭވެސް ކިޔަނީތާ. ޤާޟީ އަށް ޣާޒީ އޭވެސް ކިޔަނީތާ. ޚާދިމުކުމް އަށް ހާދިމުކުމް އޭވެސް ލިޔަނީތާ!...މިހެން ގޮސް އެތައް ބަހެއް ނުބައިކޮށް ބޭނުން ކުރަނީއެވެ..ބަސް ފޮތަށް ލެވިދާނެ. އެކަމަކު ޙަޤީޤަތަކީ އެއީ ނުބައި ގޮތް. ހެއްކާއެކު އެކަން ބުނެ ދެވިދާނެ..ތިޔަ ބޭފުޅުން ވެސް އެކަމަށް ވިސްނަވާ.
"ނިޔާ" އާއި "ނިޔައު" އަކީ ދެ ބަހެއް. ބަސްފޮތުން ވެސް ދައްކަނީ ދެ ބަހެއްގެ ގޮތުގަ، އެކަމަކު މާނަ އަކީ އެއް މާނައެއް. އިހުޒަމާނުގަ ބޭނުންކުރާ ގޮތަކީ ނިޔައު، ޒަމާނަށް އައި ބަދަލާއެކު ބޭނުންކުރަނީ ނިޔާ. އަދި މިސާލު ދައްކާފަ ތިހުރީ މުޅިން ރަނގަޅަކަށް ނޫން. "ޤާޟީ" އަށް "ޣާޒީ" ކިޔުން މިއީ ތަފާތު ހާލަތެއް. ބަސްފޮތުގައިވާ ގޮތުން "ފޮނި ކެނޑުމަށް" "ސަޅި" ބޭނުންކުރޭ. ހަގީގަތަކީ ބޭފުޅާ ވަސީލަތްތައް ބޭނުންކޮށް ކަން އޮތް ގޮތް ހޯދުމުގެ ބަދަލުގައި ބޭފުޅާ އަމިއްލައަށް މާ މޮޅުވެގަންނަން އުޅުނުކަން