ގދ. މަޑަވެލީގެ 8 ދޯނިން 8 ފަޅުވެރިއަކު ރެސްކިއު ޑައިވާސް ކޯސް ފުރިހަމަކޮށްފިއެވެ.
ރާއްޖޭގައި މަސްވެރިކަން ކުރާ ކޮންމެ އުޅަނދެއްގައި ހަރަކާތްތެރިވާ ފަޅުވެރިންގެ ތެރެއިން މަދުވެގެން އެއް ފަޅުވެރިޔަކީ "ރެސްކިއު ޑައިވަރު" ފެންވަރުގެ ސަނަދެއް ހާސިލްކޮށްފައިވާ ފަރާތެއް ކަމުގައި ހެދުމަކީ ރައީސް ޑރ. މުހައްމަދު މުއިއްޒުގެ ސިޔާސަތެކެވެ.
މި 8 ފަޅުވެރިން ރެސްކިއު ޑައިވާސްގެ ފެންވަރަށް ތަމްރީނުކޮށްފައި ވަނީ ރައީސް ޑރ. މުއިއްޒު ކަނޑައަޅުއްވާފައިވާ އެ ސިޔާސަތު ތަންފީޒު ކުރުމުގެ ގޮތުން ފިޝަރީޒް މިނިސްޓްރީއިން ކުރިއަށް ގެންދާ ޕްރޮގްރާމްގެ ދަށުންނެވެ.
ފަޅުވެރިއަކު ރެސްކިއު ޑައިވަރ ކޯސް ފުރިހަމަކުރި ބައިވެރިން:
- ފާރިޝް މުހައްމަދު - ޓީއެސްލައިން
- އަޝްރަގު ފަހީމް - އަލިމަސް
- ފަރީން މުހައްމަދު - ކަނޑުވާލި
- އަހްމަދު އަބްދު ٱللَّٰه - ކަމަނަ
- އަހްމަދު އާދަމް - ހަމަތި
- މަރްޒޫގު އަބްދު ٱللَّٰه - މުރިނގު
- އަބްދުٱللَّٰه ހަސަން - ސީވޯލްޑް
- މުހައްމަދު އަބްދުٱللَّٰه - ރަސްއަލި
މި ޕްރޮގްރާމްގައި ކުރިއަށް ގެންގޮސްފައި ވަނީ 2 ހަފްތާގެ މުއްދަތަކަށެވެ. އަދި ޕްރޮގްރާމްގައި ބައިވެރިވެ، ތަމްރީން ފުރިހަމަ ކުރި ފަރާތްތަކަށް ވަނީ ސެޓްފިކެޓް ދީފައެވެ.
ރައީސް މުއްޒުގެ ހަފްތާ 14އިގެ މަގުޗާޓުގައި ހިމެނޭ ހަރަކާތްތަކުގެ ތެރޭގައި ހިމެނޭ ރެސްކިއު ޑައިވަރުން ތަމްރީނު ކުރުމުގެ ޕްރޮގްރާމް ލ އަތޮޅު، ގއ. އަތޮޅު އަދި އައްޑޫ ސިޓީގައިވެސް ކުރިއަށް ގެންދިއުމަށް ވަނީ ހަމަޖެހިފައެވެ. މިގޮތުން މި ތަމްރީން ފެށުމަށްޓަކައި މިނިސްޓްރީން އަންނަނީ ކައުންސިލްތައް މެދުވެރިކޮށް މަސްވެރިންގެ ތެރެއިން ޑައިވް ކުރާ ފަޅުވެރިންގެ މައުލޫމާތު ހޯދުމުގެ މަސައްކަތް އަންނަނީ ކުރަމުންނެވެ.
