ރިޔާސީ އިންތިހާބުގެ ދެވަނަ ބުރުގެ ރީ-ރަޖިސްޓަރީއާ ގުޅިގެން 361 ޝަކުވާ ލިބިފައިވާ ކަމަށް އިލެކްޝަންސް ކޮމިޝަން (އީސީ) އިން ބުނެފިއެވެ.
އީސީގެ ނައިބު ރައީސް އިސްމާއީލް ހަބީބް ވިދާޅުވީ ރީ-ރަޖިސްޓަރީ ކުރަން ހުށަހެޅި ފޯމުތަކާ ގުޅޭގޮތުން ޝަކުވާ ހުށަހަޅަން ހުޅުވާލި 48 ގަޑިއިރުގެ މުއްދަތުގައި 361 ޝަކުވާ އީސީއަށް ލިބިފައިވާ ކަމަށެވެ.
ޝަކުވާގެ ތެރޭގައި މައިގަނޑު ގޮތެއްގައި ހިމެނެނީ ރިޖެކްޓް ކުރި ފޯމުތަކާ ގުޅޭ ޝަކުވާތައް ކަމަށް ހަބީބް ވަނީ ވިދާޅުވެފައެވެ. އެމީހާއަށް ނޭނގި އެމީހާގެ ނަމުގައި ސައްހަ ނޫން ފޯމު ހުށަހަޅައިގެން ލިބިފައިވާ ޝަކުވާގެ އަދަދު ވަރަށް މަދު ކަމަށް ވެސް އޭނާ ވިދާޅުވިއެވެ.
ހަބީބް އިތުރަށް ވިދާޅުވީ ލިބުނު އީސީއިން ޖަވާބު ދެމުންދާ ކަމަށާއި ވޯޓުލާ މީހުންގެ ފައިނަލް ލިސްޓު މިއަދު އިއުލާނު ކުރާނެ ކަމަށް ލަފާ ކުރާ ކަމަށެވެ. އަދި އެ ލިސްޓަކީ ދެން ބަދަލު ނުގެނެވޭނެ ފައިނަލް ލިސްޓު ކަމަށެވެ.
އަންނަ ހޮނިހިރު ދުވަހު ބާއްވާ ރިޔާސީ އިންތިހާބުގެ ދެވަނަ ބުރުގައި ވޯޓުދިނުމުގެ ހައްގު 282،803 މީހަކަށް ލިބިގެންވެއެވެ. ރިޔާސީ އިންތިހާބުގެ ފުރަތަމަ ބުރުގައި ވޯޓުލުމުގެ ހައްގު ލިބިގެންވާ 282،395 މީހުންގެ ތެރެއިން ވޯޓު ލާފައި ވަނީ 79.6 ޕަސެންޓު މީހުންނެވެ. އެއީ 224،786 މީހުންނެވެ.
ދެންއަނެއްކާ ތިމީހުން ރިސްވަތު ނުހިފައްޗެ އިތުރަށް ފާފަހޯދަށް