ރިޔާސީ އިންތިހާބުގައި ވާދަކުރެއްވުމުގެ ބަދަލުގައި، ދެ ބޭފުޅުން ގުޅިގެން ރައީސް އިބްރާހީމް މުހައްމަދު ސޯލިހު ބަލިކުރާނެ ގޮތެއް ހޯދުމަށް މަސައްކަތް ކުރެއްވުމަށް، ރައްޔިތުންގެ މަޖިލީހުގެ ރައީސް މުހައްމަދު ނަޝީދު، އިދިކޮޅު ކެންޑިޑޭޓު އަދި ކުރީގެ ރައީސް އަބްދުﷲ ޔާމީނަށް ދައުވަތު ދެއްވައިފިއެވެ.
"ދަ ޑިމޮކްރެޓްސް" އުފެއްދުމަށް ބޭއްވި ޖަލްސާގައި ވާހަކަފުޅު ދައްކަވަމުން ނަޝީދު ވިދާޅުވީ، ރައްޔިތުންނަށް ރައީސް އިބްރާހީމް މުހައްމަދު ސޯލިހުގެ ވެރިކަން ކަމުނުދާ ކަމަށާއި، ރައްޔިތުން އެދެނީ މި ވެރިކަން ބަދަލުކުރުމަށް ކަމަށެވެ. އެހެންކަމުން ރައީސް ބަލިކުރުމަށް ގޮތެއް ހޯދުމަކީ އިދިކޮޅު ޕާޓީތަކުގެ މަސްއޫލިއްޔަތެއް ކަމަށް އެމަނިކުފާނު ވިދާޅުވިއެވެ.
"ރާއްޖޭގެ ރައްޔިތުން އެބަބުނޭ ވަރަށް ސާފު ބަހުން، މި ގޮތް ކަމުނުދާ ކަމަށް، ރައީސް އިބްރާހީމް މުހައްމަދު ސޯލިހުގެ ވެރިކަން ކަމުނުދާ ކަމަށް، ދެން އަޅުގަނޑުމެންގެ މަސްއޫލިއްޔަތެއް އެއީ އެކަމަށް ގޮތެއް ހޯދުން،"
ނަޝީދު ވިދާޅުވީ، އެމަނިކުފާނު ހިމެނިވަޑައިގަންނަވާ ގޮތަށް ހުރިހާ ޕާޓީތަކުން އެއްބަސް ކިޔައިގެން އެކީގައި މަޝްވަރާކުރެވި، ރައްޔިތުންނަށް ރަނގަޅު ގޮތެއް ހޯދައިދެވޭނެ ކަމާމެދު ޝައްކު ނުކުރާ ކަމަށެވެ.
އެއަށްފަހު، އެމަނިކުފާނު ވަނީ ހިޔާލު ހޯދުމުގެ ކޮން ވޯޓެއް ކަމުގެ ތަފްސީލު ނުދެއްވިޔަސް، ހިޔާލު ހޯދުމަށް އާންމުންގެ މެދުގައި ކުރި ސާވޭއަކަށް އަލިއަޅުވާލައްވައިފައެވެ. އެ ސާވޭ އާ ހަވާލާދީ އެމަނިކުފާނު އާންމުކުރެއްވި ހިސާބުތަކުގައިވާ ގޮތުން 55 ޕަސެންޓު މީހުން ތިބީ ވޯޓު ލާނެ ކެންޑިޑޭޓަކާ މެދު ގޮތެއް ނުނިންމައެވެ. ބާކީ ތިބި މީހުންގެ ތެރެއިން:
- 15 ޕަސެންޓު ވޯޓު ރައީސަށް
- ހަ ޕަސެންޓު ވޯޓު ނަޝީދަށް
- 18 ޕަސެންޓު ވޯޓު ޔާމީނަށް
މިރޭގެ ޖަލްސާގައި ނަޝީދު ވަނީ ޔާމީނަށް ތައުރީފުކުރައްވައިފައެވެ. އެއަށްފަހު، އެމަނިކުފާނުގެ ވާހަކަފުޅު ނިންމަވާލެއްވުމުގެ ކުރިން ވަނީ ޔާމީނަށް ދައުވަތެއް ދެއްވައިފައެވެ.
"އެއްވެސް އިރެއްގައި ރުހުނު ކަމެއް ނޫން އެއްވެސް މީހަކު ޖަލުގައި އޮތުން އެއީ، ރައީސް ޔާމީނަކީ މިދިޔަ ފަސް އަހަރު ރާއްޖޭގެ ރައީސްކަން ކުރެއްވުމުގެ އިތުރުން، ރައްޔިތުންގެ މަޖިލީހުގެ މެންބަރުކަމާއި އަދި ދައުލަތުގެ ވަޒީރުކަމާއި، އަދި މައްޗަންގޯޅި ވެރިކަމާއި، މިހެން ގޮސް އެތައް އެތައް ހިދުމަތްތަކެއް ކޮށްދެއްވާފައި ހުރި ބޭފުޅެއް،" ނަޝީދު ވިދާޅުވިއެވެ.
"އަޅުގަނޑަށް ފެންނަ ފެނުމުގައި މި ރިޔާސީ އިންތިހާބަށް އަޅުގަނޑުމެން ދެ މީހުން ވެސް ކުރިމަތިނުލާން، އަޅުގަނޑުމެން ދެ މީހުން އެކުގަ ބާރަށް މަސައްކަތްކޮށްގެން ރާއްޖޭގެ ރައްޔިތުން މި އެދޭ ގޮތް އަޅުގަނޑުމެން ހޯދައިދޭންވީ،"
