8 ރަށެއްގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ބައިއިލެކްޝަންގެ ވޯޓު ލުން މިއަދު ހެނދުނު 8:00 އިން ފެށިގެން ކުރިއަށް ދާ ކަމަށް އިލެކްޝަންސް ކޮމިޝަން އިން ބުނެފިއެވެ.
މިހާރު ކުރިއަށް ދާ ބައި އިލެކްޝަންއަކީ، ހދ. ފިނޭ، ރ. އަނގޮޅިތީމް، ކ. ދިއްފުށީ، އއ. ފެރިދޫ، މ. ވޭވަށް، ތ. ގާދިއްފުށި، ލ މާމެންދޫ އަދި ގދ. ހޯޑެްދޫގެ ބައި އިލެކްޝަންގެ ވޯޓުލުމެވެ. މި އިން ކޮންމެ ރަށެއްގައި އެއް ވޯޓު ފޮށި ބަހައްޓާފައިވާ އިރު، މާލޭގައި ދެ ވޯޓު ފޮއްތެއް ވަނީ ބަހައްޓާފައި ކަމަށް އިލެކްޝަންސް ކޮމިޝަނުން ބުނެއެވެ.
އީސީން ބުނީ، ވޯޓު ލުން ކުރިއަށް ދާނީ މިއަދު ހަވީރު 4:00 އާ ހަމައަށް ކަމަށެވެ.
މި ބައިއިލެކްޝަންގެ ވޮޓާ ބެހޭ ގޮތުން އީީސީން ހާމަކުރި އެންމެ ފަހުގެ އަޕްޑޭޓަށް ބަލާއިރު، މިއަދު ހެނދުނު 9:00 ޖެހުމާ ހަމައަށް ހުރިހާ ވޯޓު ފޮށިތަކެއްގެ ވޯޓުލުން ވަނީ ފަށާފައެވެ. މި ބައި އިލެކްޝަންގައި ވޯޓު ލުމުގެ ހައްގުލިބޭ މީހުންގެ އަދަދީ 4985 މީހުންނަށް ވާއިރު، މިހާތަނަށް 276 ފަރާތަކުން ވަނީ ވޯޓު ލާފައެވެ. އެއީ 161 ފިރިހެނުންނާއި 115 އަންހެނުންނެވެ.
