އަތުގައި އޮންނަ ކޭޝް ކާޑުން ބަހަށް ފައިސާ ދެއްކޭ ގޮތް ހަދައި، އެ ހިދުމަތް މާދަމާ ޓެސްޓުކުރަން ނިންމައިފިއެވެ.
އެމްޓީސީސީން ބުނީ، ބަހުން ދަތުރުކުރާ ކަސްޓަމަރުންނަށް ކޭޝް ކާޑުން ދަތުރުތަކަށް ފައިސާ ދެއްކުމުގެ އިންތިޒާމް ހަމަޖެއްސުމުގެ ގޮތުން، އެ ހިދުމަތް ޓެސްޓުކުރުމަށް އާންމުކޮށް ހުޅުވައިލާ ކަމަށެވެ.
މާދަމަ އާއި އޭގެ އަނެއް ދުވަހު މި ހިދުމަތް ޓެސްޓުކުރާ އިރު، މާލޭގައި ދުއްވާ ބަސްތަކުގައި މާސްޓާކާޑާއި ވިސާ ކާޑުގެ ކޮންޓެކްޓް-ލެސް ކާޑު ބޭނުންކޮށްގެން ފައިސާ ދެއްކޭނެ ކަމަށް އެ ކުންފުނިން ބުންޏެވެ.
މާލެ ތެރޭގައި ކުރާ ބަސް ދަތުރަކަށް މީހެއްގެ އަތުން ނަގަނީ 7ރ. އެވެ. މާލެ އާއި ހުޅުމާލެ އާއި އެއާޕޯޓާ ދެމެދު ކުރާ ދަތުރުތަކުގެ ތެރެއިން މާލޭން ހުޅުމާލެ ފުރަތަމަ ފިޔަވައްސަށް، މާލޭން އެއާޕޯޓަށް، އަދި ހުޅުމާލޭގެ ދެ ފިޔަވަހީގެ ދެމެދު ކުރާ ދަތުރުތަކަށް 10ރ. އަދި މާލޭން ހުޅުމާލޭގެ ދެވަނަ ފިޔަވައްސަށް، ނުވަތަ ދެވަނަ ފިޔަވަހިން އެއާޕޯޓަށް ވަހުން ދަތުރުކުރާއިރު 15ރ. ނަގައެވެ.
މާލޭގެ އިތުރުން، ލ. އަތޮޅާއި އައްޑޫ އަދި ފުވައްމުލަކުގައި އެމްޓީސީސީން އަންނަނީ ބަހުގެ ހިދުމަތް ދެމުންނެވެ. އޭގެ އިތުރުން އުތުރުގެ ފަސް އަތޮޅެއްގައި އާރުޓީއެލް ފެރީގެ ހިދުމަތް ވަނީ ފަށައިފައެވެ.
