ސްޓެލްކޯގެ ފަރާތުން އެ ކުންފުނީގެ މުވައްޒަފުންނަށް ހާއްސަކޮށް އިމާރާތްކުރި ހިޔާ ފްލެޓުތަކަށް ކުލި ދެއްކުމަށް ކަނޑައަޅާފައިވާ މުއްދަތު އިތުރުކުރުމަށް ނިންމައި އެ ކުންފުނީގެ ބޯޑަށް އެކަން ހުށަހަޅާފައިވާ ކަމަށް، ސްޓެލްކޯގެ މެނޭޖިން ޑިރެކްޓަރު އަހްމަދު ޝަރީފް ވިދާޅުވެއްޖެއެވެ.
ހިޔާ މަޝްރޫއުގެ ދަށުން ހުޅުމާލެ ދެވަނަ ފިޔަވަހީގެ ދެ ޓަވަރެއް ސްޓެލްކޯގެ މުވައްޒަފުންނަށް ހާއްސަކޮށްފައިވެއެވެ. އެއީ:
- 360 އެޕާޓްމަންޓުގެ ދެ ޓަވަރު
- އެއީ އެއް ކޮޓަރީގެ 72 އެޕާޓްމަންޓް، އަދި ތިން ކޮޓަރި ހިމެނޭ 288 އެޕާޓްމަންޓް
- މުވައްޒަފުންނަށް އެޕާޓްމަންޓުތައް ހަވާލުކުރީ މިދިޔަ އޮގަސްޓު މަހު
ކުންފުނީގެ މުވައްޒަފުންގެ ވާހަކަ ތަކުރާރުކޮށް ދައްކަވާ ޝަރީފް ވަނީ ސްޓެލްކޯގެ ރޭވުންތެރި ކަމަށް އަމަލީ ސިފަ ގެނެސްދެނީ މުވައްޒަފުން ކަމަށާއި، އެ ކުންފުނީގެ އަސްލު ހިދުމަތްތެރިންނަކީ މުވައްޒަފުން ކަމަށް ވިދާޅުވެ، ސްޓެލްކޯގެ މުވައްޒަފުންނަށް ތައުރީފްކުރައްވައިފައެވެ.
އެހެންވެ ސްޓެލްކޯގެ މުވައްޒަފުންނަށް ގިނަގުނަ ކަންތައްތަކެއް އެ ކުންފުނީގެ ފަރާތުން ކޮށްދެވިފައިވާ ކަމަށް އޭނާ ވިދާޅުވިއެވެ. އެ ކަންކަމުގެ ބަދަލުގައި އަބަދު ވެސް ރައްޔިތުން ހިތްހަމަޖެހޭ ގޮތަށް ހިދުމަތް ފޯރުކޮށްދިނުމަށް މުވައްޒަފުންނަށް ޝަރީފް ކުރައްވާ އިލްތިމާސްކުރައްވާ ކުރެއްވުން ރޭ ވެސް ތަކުރާރުކުރެއްވިއެވެ.
އެއާއެކު، ސްޓެލްކޯގެ ހައުސިން ސްކީމަށް އަލިއަޅުވާލައްވައި ޝަރީފް ވިދާޅުވީ، އެއީ އެ ކުންފުނިން ހިންގި އެންމެ ކާމިޔާބު އެއް ސްކީމް ކަމަށެވެ އޭނާ ވިދާޅުވި ގޮތުގައި އެ ސްކީމްގެ ދަށުން އެ ކުންފުނީގެ 360 މުވައްޒަފުންގެ އާއިލާތަކަށް ބޯހިޔާވަހިކަން ފޯރުކޮށްދެވިފައިވެއެވެ. އަދި ސްޓެލްކޯގެ ހިޔާ ފްލެޓްތަކުގައި ދިރިއުޅެމުންދާ މުވައްޒަފުންނަށާއި އާއިލާއަށް ޝަރީފް އުފާވެރި ހަބަރެއް ދެއްވިއެވެ.
އޭގެ ތެރެއިން އެއް ހަބަރަކީ މި އަހަރުގެ ނިޔަލަށް އެޑްވާންސް ޕޭމަންޓް ނުދެއްކުނު މުވައްޒަފުންގެ އެޑްވާންސްޑް ޕޭމަންޓް ފްލެޓަށް ދައްކަން ޖެހޭ ކުލީގެ ތެރޭ ހިމަނައިގެން ކުރިއަށް ގެންދިއުމަށް އެ ކުންފުނިން ނިންމި ނިންމުމެވެ.
އެ ނިންމުން މެނޭޖްމަންޓުން ނިންމައި، ކުންފުނީގެ ބޯޑަށް ހުށަހަޅާފައިވާ ކަމަށް ޝަރީފް ވިދާޅުވިއެވެ.
މި ބަދަލު ބޭނުންވާ ނަމަ، ސްޓެލްކޯ އަށް ލިޔުމުން އެކަން އަންގަން ވާނެ ކަމަށާއި، ނޫން ނަމަ އެއްބަސްވުން ބާތިލްވާނެ ކަމަށް އޭނާ ވިދާޅުވިއެވެ.
ހަމަ އެއާއެކު، ސްޓެލްކޯގެ ބާކީ ތިބި މުވައްޒަފުންނަށް ބޯހިޔާވަހިކަން ހޯދައިދިނުމަށްޓަކައި އެހީތެރިކަން ދިނުމުގެ ސްކީމެއް ތައާރަފްކުރުމުގެ ވިސްނުމެއް އެބައޮތް ކަމަށް ވެސް ޝަރީފް ވިދާޅުވިއެވެ.
ސްޓެލްކޯގެ ފްލެޓްތަކުގެ ތެރެއިން އެއް ކޮޓަރީގެ އެޕާޓްމަންޓެއްގެ އަގަކީ މަހަކު 5،622 ރުފިޔާއެވެ. މެއިޑް ރޫމް ހިމެނޭ ތިން ކޮޓަރީގެ އެޕާޓްމަންޓްތައް އުޅެނީ މަހަކު 10،356-10،652 ރުފިޔާގެ އަގެއްގައެވެ.
ސްޓެލްކޯގެ ކިތައް މުވައްޒަފުން ތި ފުލެޓް ތަކުގަ އުޅޭތޯ؟ ޝަރީފުގެ ފުލެޓްގަ އުޅެނީ ކާކުތޯ؟ 25 އަރަށް ދައްމާލީ ފައިދާވަނީ ފުލެޓްގަ ބޮޑު ކުލީގަ އުޅޭ މީހުންނަށްތޯ؟ ޝަރީފު މެންނަށްތޯ.