އެމްޑީޕީގެ މެމްބަރަކަށް ނޭންގި އެހެން ޕާޓީއަކަށް ވައްދާފައިވާނަމަ އިލެކްޝަން ކޮމިޝަން (އީސީ)އަށް މައްސަލަ ހުށަހެޅުމަށް އެ ޕާޓީން އަންގައިފިއެވެ.
އެމްޑީޕީއިން ބުނީ އެމްޑީޕީގެ އެއްވެސް މެންބަރަކަށް ނޭނގި އެހެން ޕާޓީ އަކަށް ވައްދާފައިވާނަމަ ފޯމް ފުރިހަމަ ކޮށް އިލެކްޝަންސް ކަމިޝަނަށް ހުށައެޅުމުން އެކަން ބަލާ އެ މެންބަރަކު އެމްޑީޕީ އަށް ރުޖޫއަ ކޮށްދޭނެ ކަމަށެވެ.
އެމްޑީޕީއިން ވަނީ ފޯމްގެ ލިންކު ވެސް ހިއްސާ ކޮށްފައެވެ.
އެމްޑީޕީގެ ރިޔާސީ ޕްރައިމަރީގައި ވާދަކުރުމުގެ ފުރުސަތު ހުޅުވާލައިފާ ވަނިކޮށް ކުރީގެ ރައީސް މުހައްމަދު ނަޝީދު ވަނީ ވާދަކުރައްވާނެ ކަން ރަސްމީކޮށް އިއުލާނުކުރައްވާފައެވެ. މީގެ އިތުރުން ރައީސް އިބްރާހިމް މުހައްމަދު ސޯލިހު ވަނީ ކެމްޕެއިން ހަރަކާތްތައް ފެއްޓެވުމަށްޓަކައި މަޝްވަރާ ކުރައްވާފައެވެ.
ރައީސް ނަޝީދު ވަނީ އެމްޑީޕީގެ ދަފްތަރު އޮތީ ގަޑުބަޑުވެފައި ކަމަށް ވިދާޅުވެ ޕްރައިމަރީ އިންސާފުވެރިވާނެ ކަމާ މެދު ސުވާލު އުފައްދާފައެވެ.
