އުރީދޫ 5ޖީ އެއާ ފައިބާ ކަނެކްޝަނަކާއެކު ރައުޓާއިން 50 ޕަސެންޓް ޑިސްކައުންޓް މިހާރު ލިބޭނެ ކަމަށް އުރީދޫން ބުނެފިއެވެ.
އުރީދޫން ބުނީ 5ޖީ ކަވަރޭޖު މާލެ، ވިލިމާލެ، ހުޅުމާލެ ފޭސް 2 އަދި އެއާޕޯޓަށް ވެސް މިހާރު ލިބިގެން ދާނެއެވެ.
އުރީދޫން ބުނީ 5ޖީ އެއާފައިބާ އާއެކު ލިބިގެންދާ ހައިސްޕީޑްގެ އިތުރުން އިންޓަނެޓާ ކަނެކްޓް ކުރުމުގައި ދިމާވާ ލަސްތައް ވެސް އެތައް ގުނައަކަށް ކުޑަވެގެންދާނެ ކަމަށެވެ. އަދި ދުރު ރަށްރަށާ ގޭގައި މަސައްކަތް ކުރިޔަށްގެންދާ ކުދި އަދި މެދު ފަންތީގެ ވިޔަފާރިތަކަށް ފަސޭހަކަމާއެކު 5ޖީ އެއާފައިބާގެ ހިދުމަތް ދިނުމުގެގޮތުން 12 މަހުގެ ކޮންޓްރެކްޓް އަކާ އެކު ޑިވައިސް ޕްލޭން އެއްވެސް އުރީދޫ ފޯރުކޮށްދޭނެ ކަމަށް އެކުންފުނިން ބުނެއެވެ.
5ޖީ އެއާފައިބާ އަލަށް ނަގާ ހުރިހާ ކަސްޓަމަރުންނަށް ވެސް ޑިވައިސް ނެގުމަށް އިތުރު ފަސޭހަކަމެއް ގެނެސްދޭ ހާއްސަ އޮފާއަކާއެކު 5ޖީ ގެ ހަލުވި ސްޕީޑްތައް ތަޖުރިބާކޮށްލުމުގެ ފުރުސަތު ފަހިވެފައިވާ ކަމަށް އުރީދޫން ބުނެއެވެ.
އެގޮތުން ގޭގައި ތިބެގެން އޮންލައިން ކްލާސްތައް ކުރިއަށް ގެންދިއުމަށް ފަސޭހަވެ، އެންމެ މަގުބޫލް ފިލްމް އަދި ޝޯތައްވެސް ސިކުންތުކޮޅެއްގެ ތެރޭގައި ޑައުންލޯޑް ކޮށްލެވޭނެ ކަމަށް އުރީދޫން ބުނެއެވެ.
އޭގެ އިތުރުން ހައިސްޕީޑް އިންޓަނެޓާ ލޯ ލޭޓެންސީގެ ސަބަބުން ގޭމް ކުޅުންތެރިންނަށް ވެސް ބުރޫ އެރުމެއްނެތި ގޭމް ސެޝަންތައް ނިންމާލެވޭނެ ކަމަށް އުރީދޫން ބުނެއެވެ.
