ފެލިދެ އަތޮލޫ ކައުންސިލްގެ ބެލުމުގެ ދަށުގައިވާ "ވ. ހުރަހުފިނޮޅު" ކިޔާ ރަށް ދަތުރު ދިއުމަށް އަދި ފަތުުރުވެރިކަމުގެ އެޓްރެކްޝަން އެއްގެ ގޮތުގައި ބޭނުން ކުރުމަށް ތަރައްގީ ކުރަން ބޭނުންވާ ބަޔަކު ހޯދަން އިއުލާން ކޮށްފިއެވެ.
ފެލިދެ އަތޮޅުގެ ކައުންސިލުން ބުނީ، ވ. ހުރަހުފިނޮޅު ތަރައްގީ ކުރަން ޝައުގުވެރިވާ ފަރާތްތަކުން ލެޓާ އޮފް އިންޓްރެސްޓް ހުށަހެޅުމުގެ ފުރުސަތު އަންނަ މަހުގެ 8 ވަނަ ދުވަހުގެ 2:00 އާ ހަމައަށް ހުޅުވާލާފައިވާ ކަމަށެވެ.
"ޕަބްލިކް ޕްރައިވެޓް ޕާޓްނާޝިޕް" އުސޫލުން ރަށް ތަރައްގީކޮށް ބެލެހެއްޓުމަށް ހުށަހަޅާ ފަރާތްތަކުގެ ތެރެއިން އެންމެ ރަނގަޅު ހުށަހެޅުމެއް ހުށަހަޅާ ފަރާތެއް ހޮވުމަށް ހަމަަޖެހިފައިވާ ކަމަށް އެ ކައުންސިލުން ބުނެއެވެ. އަދި މި މަސައްކަތަކީ އެ ފަރާތާއި ފެލިދެ އަތޮޅު ކައުންސިލް ބައިވެރިވެގެން ހިންގޭ ވިޔަފާރީގެ ހަރަކާތެއް ކަމަށް ވެސް އެ ކައުންސިލުން ބުނެއެވެ.
ލެތާ އޮފް އިންޓްރެސްޓް ހުށަހަޅާން ބޭޏުންވާ ފަރާތަތަކަށް އެ ލިޔުން އީމެއިލް މެދުވެރިކޮށް ނުވަތަ ޕްރިންޓް ޑޮކިއުމަންޓްގެ ގޮތުގައި ވެސް އެ ކައުންސިލަށް ހުށަހެޅިދާނެއެވެ. އަދި މިކަމަށް ޝައުވެރިވާ ފަރާތްތަކުން އެ ކައުންސިލްގެ އިދާރާގެ ޕްރޮޖެކްޓްސް ސެކްޝަނުން މައުލޫމާތު ސާފު ކުރެވޭނެ ކަމަށް އެ ކައުންސިލުން ބުނެއެވެ.
މި މަސައްކަތަށް ލެޓާ އޮފް އިންޓްރެސްޓް ހުށަހަޅާ ފަރާތްތަކުގެ ތެރެއިން ޝޯޓްލިސްޓް ކުރެވޭ ފަރާތްތަކަށް ތަފްސީލް ޕްރޮޕޯސަލް ހުށަހެޅުމުގެ ފުރުސަތު ދިނުމަށް ހަމަޖެހިފައިވާ ކަމަށް އެ ކައުންސިލުން ބުނެއެވެ.
