ހުއްދަ ނެތި ހުޅުމާލޭ ސްޓެލްކޯ ބާ އިންޖީނުގޭގެ ޗައިނާ ސައިޓަށް ވަން މީހަކު ތިން މަހާއި 18 ދުވަހަށް ޖަލަށްލާން ކްރިމިނަލް ކޯޓުން ހުކުމްކޮށްފިއެވެ.
ހުއްދަ ނެތި ހުޅުމާލޭ ސްޓެލްކޯ ބާ އިންޖީނުގޭގެ ޗައިނާ ސައިޓަށް ވަން މައްސަލާގައި ދައުލަތުން ވަނީ އެނގިހުރެ ހުއްދަނޫން ތަނަކަށް ވަނުމުގެ ކުށުގެ ދައުވާ ގއ. ކަނޑުހުޅުދޫ، އިރުދޭމާގޭ، ޝިފާޒް އަހުމަދުގެ މައްޗަށްކޮށްފައެވެ.
ކްރިމިނަލް ކޯޓުން ކުރި އެ މައްސަލާގެ ހުކުމުގައި ބުނެފައި ވަނީ އޭޕްރީލް 28، 2021 ގެ ހެނދުނު 6:45 ހާއިރު ޝިފާޒް ހުޅުމާލޭ ސްޓެލްކޯ ބާ އިންޖީނުގެ ޗައިނާ ސައިޓް ސަރަހައްދަށް އެތަނުގެ ވެރިފަރާތުގެ ހުއްދަ ނެތި ވަދެފައިވާ ކަމަށް ދައުލަތުން ކޯޓުގައި ބުނެފައިވާ ކަމަށް ބުނެފައެވެ. އަދި އެ ކުށަށް އޭނާ އިއުތިރާފުވެސް ވަނީ ވެފައެވެ.
ކުށް ސާބިތުވާ ކަމަށް ކަނޑައަޅާ އޭނާ ތިން މަހާއި 18 ދުވަހަށް ޖަލަށްލާން ހުކުމްކޮށްފައިވާއިރު އޭނާ ޖަލުގައި ދެ ދުވަސް ހޭދަކޮށްފައިވާތީ އޭނާ ތަންފީޒު ކުރަން ޖެހޭ އަދަބަކީ ތިން މަހާއި 16 ދުވަހުގެ ޖަލު ހުކުމެއް ކަމަށް ކްރިމިނަލް ކޯޓުން ވަނީ ބުނެފައެވެ.
ހާދަ އިންސާފޭ.....ގިނަބަޔަކާއެކު ލިވާޠު ކުރީމާ ހަމަސް...ސާބަހޭ ޤައުމުގެ ޢަދުލު އިންސާފު.!!!؟؟؟