ބޭސް ގަންނައިރު ފާހަގަވާ މައްސަލަތައް ރިޕޯޓުކުރުމަށް އާސަންދައިން އެދެފިއެވެ.
އާސަންދައިން ވަނީ ބޭސް ނަގާއިރު މުއްދަތުހަމަވާ ތާރީހު ޗެކު ކުރުމަށާއި މުއްދަތު ހަމަވާ ތާރީހު ނެތް ނަމަ ބޭސް ނުނެގުމަށް ސަމާލުވާން އިލްތިމާސްކޮށްފައެވެ. އަދި ބޭސް ނަގާއިރު ދެނީ ބޭސް ސިޓީގައިވާ ބޭސްކަން ޔަގީން ކުރުމަށް ވެސް ވަނީ އެ ކުންފުނިން ވަނީ އެދެފައެވެ.
އާސަންދައިން އިތުރަށް ބުނީ ހިދުމަތް ހޯއްދަވާއިރު ފާހަގަވާ މައްސަލަތައް އާސަންދަ މޯބައިލް އެޕުން ނުވަތަ އެ ކުންފުނީގެ ޕޭޖަށް މެސެޖެއް ފޮނުއްވައިގެން ނުވަތަ ޝަކާވާ ނަންބަރު 7951400 އަށް ވައިބާ، ވަޓްސްއެޕް، ޓެލެގްރާމް މެސެޖަކުން ނަމަވެސް ރިޕޯޓުކުރުމަށް އެދޭ ކަމަށެވެ.
މުއްދަތު ހަމަވެފައިވާ ބޭސް ވިއްކާ ކަމަށާއި ބޮޑު އަގުގައި ބޭސް ވިއްކާކަމުގެ ޝަކުވާތައް ސޯސަލް މީޑިއާގައި އަންނަނީ ދެކެވެމުންނެވެ. ބެލެވޭ ގޮތުގައި އާސަންދައިން މިގޮތަށް އަންގާފައި މިވަނީ އެ ސަބަބާ ހުރެއެވެ.
