އެއްޖިންސުން ގުޅުން ހިންގި ކަމުގެ ކުށް، ސާބިތުވެ ބަންގްލަދޭޝް ރައްޔިތެއް ކަމަށްވާ އެމްޑީ އަލަމްގިރި 7 މަހާއި 6 ދުވަހަށް ޖަލަށްލާން ހުކުމް ކޮށްފިއެވެ.
އަލަމްގީރްގެ މައްޗަށް ދައުލަތުން އުފުލާފައިވަނީ އެއްޖިންސުން ގުޅުން ހިންގުމުގެ ތިން ދައުވާއެވެ. އެ ދައުވާ ކްރިމިނަލް ކޯޓަށް މިމަހުގެ 18 ވަނަ ދުވަހު ހުށަހަޅާފައިވާއިރު މި މައްސަލައިގެ ޝަރީއަށް ފަށާފައިވަނީ މިމަހުގެ 29 ވަނަ ދުވަހުއެވެ.
އިއްޔެ މި މައްސަލައިގެ އަޑުއެހުމެއް ބާއްވާފައިވާއިރު އެ އަޑު އެހުމުގައި އަލަމްގީރް ވަނީ ކުށަށް އިއުތިރާފުވެ ވީހައި ވެސް ކުޑަ އަދަބެއް ކަނޑައަޅައި ދިނުމަށް އެދިފައެވެ.
އަލަމްގީރް އެ ކުށަށް އިއުތިރާފުވެފައިވާތީ ގާނޫނުލް އުގޫބާތުގެ 1106 ވަނަ މާއްދާގެ ދަށުން އަސާސީ މިންގަޑުން އެއް ދަރަޖަ އަދަބު ވަނީ ދަށްކޮށްފައެވެ.
އަލަމްގީރު ހައްޔަރުކުރީ ގިނަ ބަޔަކާ އެކު އެއްޖިންސުން ގުޅުން ހިންގި މަންޒަރު ފެންނަ ވީޑިއޯތަކަކާ ގުޅިގެންނެވެ. އެ ވީޑިއޯތަކުގެ ތެރޭގައި މަޖިލީހުގެ ރައީސް މުހައްމަދު ނަޝީދުގެ ކޮޮއްކޮ އަދި ގާނޫނީ ވަކީލް އަހްމަދު ނާޒިމް އަބްދުއްސައްތާރާއި ޑީއާރުޕީގެ ކުރީގެ ލީޑަރު މުހައްމަދު ނަޝީދު (ކާނަލް) ގެ އިތުރުން، ފުލުހުންގެ ޑްރަގް އެންފޯސްމަންޓް ޑިޕާޓްމަންޓް (ޑީއީޑީ) ގައި މަސައްކަތް ކުރި ސާޖަންޓް އަބްދުއްރަހްމާން ރަފީއު ކަމަށް ތުހުމަތުކުރެވޭ މީހުންގެ ވީޑިއޯތައް ހިމެނެއެވެ. އެ މައްސަލައިގައި އެ ތިން މީހުން ހައްޔަރުކުރި ނަމަވެސް، ބަންދުގެ މުއްދަތު ހަމަވުމުން ތިން މީހުން ވެސް ވަނީ ދޫކޮށްލައިފައެވެ. ނަމަވެސް މި މަހުގެ ތެރޭ އެ ތިން މީހުންގެ މައްޗަށް ވަނީ ދައުވާ އުފުލައިފައެވެ.
ނާޒިމު ސައްތާރަށް ދިހަދުވަސް ދޯ ތިވަރުންހުކުމަކަށް ވާނީ.