އަމީނީމަގުގައި ތާރު އަޅައި، ޒަމާނީ ފެންވަރަށް ތަރައްގީކުރުމުގެ މަޝްރޫއުގެ އަމަލީ މަސައްކަތް އާރްޑީސީން މިއަދު ފަށައިފިއެވެ.
އެ މަޝްރޫއު ފެއްޓުމުގެ ގޮތުން މިއަދު ހަވީރު ދަރުބާރުގޭގެ އިރުމަތިން އަމީނީމަގު ގައި ވަނީ ހާއްސަ ރަސްމިއްޔާތެއް ބާއްވައިފައެވެ. އެ ރަސްމިއްޔާތުގައި ހެލްތު މިނިސްޓަރު އަހްމަދު ނަސީމާއި މާލޭގެ މޭޔަރު ޑރ. މުހައްމަދު މުއިއްޒާއި އާރްޑީސީގެ މެނޭޖިން ޑިރެކްޓަރު މޫސާ އަލި މަނިކް (މޫކޭ) އާއި ޕްލޭނިންގެ ސްޓޭޓް މިނިސްޓަރު އަކްރަމް ކަމާލުއްދީނާއި ހެންވޭރު ދެކުނު ދާއިރާގެ މެމްބަރު ހުސެއިން ޝަހީމް (އަނދުން ހުސެއިން) އަދި ސަރުކާރު އެހެން ބައެއް އިސްވެރިން ވެސް ބައިވެރިވެވަޑައިގަތެވެ.
އަމީނީ މަގު ތަރައްގީކުރުމުގެ މަސައްކަތް އާރްޑީސީއާ ހަވާލުކޮށްފައިވަނީ 210 ދުވަހުގެ ތެރޭގައި ނިންމާ ގޮތަށް 84 މިލިއަން ރުފިޔާއަށެވެ.
އަމީނީމަގު ހެދުމުގެ މަސައްކަތް ކުރާނީ އެ މަގުގައި ހުރި ގަސްތަކުގައި އަތްނުލައި ނުވަތަ ނުކަނޑާވާނެ ގޮތަކަށް ކަމަށާއި އެކަމަކު ބައެއް ގަސްތަކުގެ މޫތައް ހުރި ގޮތުން އެ ގަސްތައް ނަގައިގެން މަސައްކަތް ކުރަން ޖެހިދާނެ ކަމަށް އާރްޑީސީއިން ބުނެއެވެ.
އެ މަޝްރޫއުގެ ދަށުން އަމީނީމަގުގައި 1.7 ކިލޯމީޓަރުގެ ތާރުއަޅާއި، ފެންހިންދާ ނިޒާމެއް ގާއިމްކުރުމަށް ވަނީ ހަމަޖެހިފައެވެ.
ނޫ ޓައީގަ އެއޮތީ އަލަމް އަނދުން ހުސޭނުތަ