ހަޔާ އެޑިއުކޭޝަން މިނިސްޓްރީގެ ކުރީގެ ކޮމިއުނިކޭޝަންސް ޑިރެކްޓަރު މިއުސަމް މުހައްމަދު ސަލީމް ރޭ ނިޔާވެއްޖެއެވެ.
މީގެ އަހަރެއްހާ ދުވަސް ކުރިން ޔޫއޭއީގެ ފުޖެއިރާ އަށް އާއިލާ އާ އެކު ދިރިއުޅުން ބަދަލުކުރި މިއުސަމް ނިޔާވީ އުމުރުން 40 އަހަރުގައި، ހާޓް އެޓޭކެއް ޖެހިގެންނެވެ.
ދެ އަހަރު ވަންދެން ހަޔާ އެޑިއުކޭޝަން މިނިސްޓްރީގެ ކޮމިއުނިކޭޝަންސް ޑިރެކްޓަރުކަން ކުރެއްވުމަށް ފަހު، މިދިޔަ އަހަރުގެ ޖުލައި މަހު މިއުސަމް މަގާމުން ވަކިވެވަޑައިގަތީ އޭނާގެ އަންހެނުންނަށް ޔޫއޭއީން ޓީޗަރެއްގެ ވަޒީފާ ލިބުމުން، އާއިލާ އާ އެކު އެކޮޅަށް ބަދަލުވުމަށެވެ.
އެހެންވެ އެކޮޅަށް ބަދަލުވުމަށް ފަހު، މިއުސަމް މަސައްކަތް ކުރީ ފުޖެއިރާ އެއާޕޯޓުގައެވެ.
އޭނާ ނިޔާވިއިރު، އަންބަކާއި 12 އަހަރުގެ އަންހެން ކުއްޖަކު އެބަ ހުއްޓެވެ.
