ރައީޝް ފާހިޝް އަމަލު ހިންގަވާތަން ފެންނަ ފޮޓޯ ހުރިކަމަށް ވިދާޅުވެ ނަޝީދު ހައްދަވަނީ ހުސް ދޮގު ކަމަށާއި އެފަދަ ކަމެއް ކުރައްވާފައި ނުވާ ކަމުގެ ޔަގީންކަން ރައީސް އިބްރާހިމް މުހައްމަދު ސޯލިހު ދެއްވާ ކަމަށް ތަރުޖަމާން މުހައްމަދު މަބްރޫކް އަޒީޒް ވިދާޅުވެއްޖެ އެވެ.
ތަރުޖަމާން މިހެން ވިދާޅުވެފައި ވަނީ ރައީސް ނަޝީދު އެމްޑީޕީގެ ގައުމީ މަޖިލީހުގެ މެންބަރުން ތިއްބަވާ ވަޓްސްއަޕް ގުރޫޕަކަށް ފޮނުއްވި މެސެޖުތަކެއްގައި ރައީސް ސޯލިހު އަރިހުން އައްސަވަން ބޭނުންފުޅުވަނީ ފޮޓޯ ހުރި ހުރިހާ އެންމެން ހިމާޔަތްކޮށްފައި، އެމަނިކުފާނުގެ ކޮއްކޮ ނާޒިމް އަބްދުއްސައްތާރު ހައްޔަރުކުރީ ކީއްވެތޯ ކަމަށެވެ. އަދި ރައީސް ސޯލިހު ބަދުއަހުލާގީ އަމަލު ހިންގަވާ ފޮޓޯތައް ފުލުހުގައި ފޮރުވީތޯ ވެސް ރައީސް ނަޝީދު ސުވާލު ކުރައްވައެވެ.
ނަޝީދު އިތުރަށް ވިދާޅުވަނީ އަންހެން ކުއްޖަކާ އެކު ރައީސުލްޖުމްހޫރިއްޔާ ޖިންސީ ގުޅުން ހިންގަވާ މަންޒަރު ފެންނަ ހަތަރު ފޮޓޯއެއް މީހަކު އެމަނިކުފާނަށް ފޮނުވާފައިވާ ކަމަށެވެ. އަދި އެ ފޮޓޯތައް ފުލުހުންނާ ހިއްސާ ކުރައްވަންވީތޯ ވެސް ނަޝީދު ސުވާލު ކުރައްވައެވެ.
ނަޝީދު ވަނީ ފޮޓޯ އިން ފެންނަ އަންހެން ކުއްޖަކީ އާއިލީ ރަހުމަތްތެރިއެއްގެ ދަރިއެއް ކަމަށް ބެލެވޭ ކަމަށް ވިދާޅުވެފައެވެ.
އެކަމާ ގުޅިގެން ރައީސް އޮފީހުގެ ތަރުޖަމާނު މުހައްމަދު މަބްރޫކު އަޒީޒު ވިދާޅުވީ، ނަޝީދު އެ ދެއްކެވީ ކަނޑައެޅިގެން ދޮގު ވާހަކަފުޅެއް ކަމަށާއި އެކަހަލަ އެއްވެސް ކަމެއް ކުރައްވާފައި ނޯންނާނެ ކަމުގެ ޔަގީންކަން ރައީސް ސޯލިހު ދެއްވާ ކަމަށެވެ.
ރައީސް ނަޝީދު މިގޮތަށް ވިދާޅުވެފައި ވަނީ، އެއްޖިންސުން ގުޅުން ހިންގި މައްސަލައިގެ ތުހުމަތުގައި އެމަނިކުފާނުގެ ކޮއްކޯފުޅު، ނާޒިމް ސައްތާރު ހައްޔަރު ކޮށްފައިވާ ދަނޑިވަޅެއްގައެވެ. ނާޒިމްގެ ބަންދަށް ކޯޓުން ވަނީ ހަތް ދުވަސް ޖަހާފައެވެ.
ނާޒިމް ހައްޔަރުކުރުމާ ގުޅިގެން ނުރުހުން ފާޅުކުރައްވާ ރައްޔިތުން މަޖިލީހުގެ ރައީސް މުހައްމަދު ނަޝީދު ވިދާޅުވީ ރައީސް އިބްރާޙިމް މުހައްމަދު ސޯލިހުގެ ސަރުކާރުން އެމަނިކުފާނުގެ ކޮއްކޯފުޅު ނާޒިމް، އެއްޖިންސުން ގުޅުން ހިންގުމުގެ ތުހުމަތުގައި ހައްޔަރު ކޮށްފި ކަމަށެވެ.
އަދި ނާޒިމް ހައްޔަރު ކޮށްފައި ވަނީ ޖިނާއީ އިޖުރާއަތްތަކާ ހިލާފަށް ކަމަށާ، އެއީ ކޯލިޝަންގައި ތިބި ހަރުކަށި ފިކުރުގެ މީހުން ހިތްހަމަޖައްސައި ދިނުމަށް ސިޔާސީ ގޮތުން ކުރި ކަމެއް ކަމަށެވެ. ވެރިކަމަށް އައުމަށް އެމްޑީޕީން އަދާލަތާއި ޖޭޕީ އާ އެކު ކޯލިޝަން ހެދިނަމަވެސް އެ ކޯލިޝަން އުވާލައި އެމްޑީޕީގެ އަމިއްލަ ވެރިކަމެއް ގާއިމު ކުރަން ނަޝީދު ގޮވާލައްވާ އިރުވެސް ކޯލިޝަން ދަމަހައްޓަވަނީ ރައީސް ސޯލިހެވެ.
ޜައިސް ސާލިހު ފާހިޝް ޢަމަލެއް ހިނގަވާނަމަ އެކަން ކުރައްވާނީ އެއްފަރާތުގައި މަބުރޫކު ބަހައްޓައިގެންނެއް ނޫން ޕާސަނަލް ކަންތައް ކުރާނީ މަބުރޫކަށް ނުއެނގި ސަރުކާރުން ކުރަންވާ ކަންތައް މަބުރޫކަށް އެނގުނަސް މަބުރޫކަށް ނޭނގޭ ކަންތައް ރައީސް ކުރައްވާނެ
މި ބައިގަނޑު އަމިއްލައަށް ފަޟީހަތްވެ މިޤައުމު މި މީހުންގެ އަތްދަށުން ސަލާމަތްވާ މަންޒަރު ފެންނާން ފެށުމުން އުއްމީދު އާލާވާން ފަށައިފި.
ނަޝީދު ހަމަޔަކު ހުންނާނެ ކަމަކަށް ގަބޫލެއް ނުކުރެވެއެވެ. އެހުރީ ދުނިޔޭން މޮޔަވެފައެވެ. ހިލިހިލާ ޖަހާ އަނދަގޮޑީގައި ހައްޔަރު ކުރަންވީއެވެ.
ނަޟީދު ހުވައިކޮށްގެން ހުރިގޮތެއް ޕޮލިހުން މިހާރު ސާފު ކުރަން އެބަޖެހޭ