12000 އާއި 33000 ރުފިޔާ އާ ދެމެދުގެ ރަނގަޅު މުސާރައެއް ލިބޭނެ ވަޒީފާގެ ފުރުސަތުތަކެއް ހުޅުވާލައި ވޯކްއިން އިންޓަވިއުއަށް އެމްޓީސީސީން އިއުލާން ކޮށްފިއެވެ.
އެމްޓީސީސީން ބުނީ، އެ ވަޒީފާގެ ފުރުސަތު ހޯދަން ބޭނުންވާ ފަރާތްތަކުން އައިޑީ ކާޑުގެ ކޮޕީއަކާއި ސީވީ ހިފައިގެން މާލޭގައި ހުންނަ ހެންވޭރު ފެރީ ޓަމިނަލް އަށް މާދަމާ ވޯކްއިން އިންޓަވިއުއަށް ދިޔުމަށެވެ. މި އިންޓަވިއު ކުރިއަށް ދާނީ މާދަމާ ހަވީރު 5:00 ޖަހަންދެން ކަމަށް އެމްޓީސީސީން ބުނެއެވެ.
ވަޒީފާއަށް އެދި ހުޅުވާލާފައިވާ މަގާމުތައް:
- ޑްރެޖް އޮޕަރޭޓަރު
- ޑްރެޖް އޮޕަރޭޓަރު ޓްރެއިނީ
- ޑްރެޖް މެކޭނިކް
- ޑްރެޖް މެކޭނިކް ޓްރެއިނީ
- ޓަގް އޮޕަރޭޓަރު
- ޓަގް އޮޕަރޭޓަރު ޓްރެއިނީ
- ޓަގް ކްރޫ
- ޑްރެޖް ސުޕަވައިޒާ
- ޓަގް މެކޭނިކް
- ޓަގް ކުކް
ވަޒީފާގެ މި ފުރުސަތުގައި ބައިވެރިވާ ފަރާތްތަކަށް ލިބޭނެ މުސާރައާ ބެހޭ މައުލޫމާތު ހިއްސާ ކުރަމުން އެމްޓީސީސީން ބުނީ، މުސާރަ ހުންނާނީ 12000 ރުފިޔާ އާއި 33000 ރުފިޔާ އާ ދެމެދުގައި ކަމަށެވެ. އަދި ވަޒީފާ ލިބޭ ފަރާތްތަކަށް މެޑިކަލް އިންޝުއަރަންސް އާއި ތަފާތު ޓްރައިނިން ފުރުސަތުތައް ވެސް ލިބިގެން ދާނެ ކަމަށް އެމްޓީސީސީން ބުނެއެވެ.
މީގެ ކުރިން ވެސް އެމްޓީސީސީން ވަނީ ވޯކްއިން އިންޓަވިއު ކޮށްގެން ވަޒީފާއަށް ގިނަ ދިވެހިންތަކެއް ނަގާފައެވެ. ހަމައެއާއެކު ބައެއް ހާލަތްތަކުގައި އެޕްރެންޓެންޝިޕް ޕްރޮގްރާމްތައް ވެސް ބާއްވާ އެ ޓްރެއިނިން ފުރިހަމަ ކުރާ ފަރާތްތަކަށް ވެސް އެމްޓީސީސީން ވަނީ ވަޒީފާގެ ފުރުސަތު ދީފައެވެ.
