ޕިކްނިކް އައިލެންޑްގެ ގޮތުގައި ތަރައްގީކުރާ ކ. ކުޑަގިރި ޖެޓީގެ މަސައްކަތުގެ 80 ޕަސަންޓް ނިމިއްޖެއެވެ.
ކުޑަގިރީގެ އެންމެ ފަހުގެ މައުލޫތު ހިއްސާކުރަމުން އެމްޓީސީސީން ބުނީ ކުޑަގިރި ޕިކްނިކް އައިލޭންޑްގެ މަސައްކަތް ރެޔާއި ދުވާލު ހުއްޓުމެއް ނެތި ކުރަމުން އަންނަ ކަމަށެވެ. މިގޮތުން ޖެޓީގެ މަސައްކަތުގެ 80 ޕަސަންޓް މިހާރު ނިމިފައިވާ ކަމަށް އެމްޓީސީސީން ބުނެއެވެ.
މި މަޝްރޫއުގެ ދަށުން ކުޑަގިރި 8 ހެކްޓަރުގެ ބިން ހިއްކުމާއި 397.27 މީޓަރުގެ ބޮޑު ހިލައިގެ ބްރޭކްވޯޓާ އަދި 428.32 މީޓަރުގެ ބޮޑު ހިލައިގެ ގްރޮއިންސް އެޅުން ހިމެނެއެވެ.
އަންނަ މަހު ޕިކްނިކް އައިލެންޑް ހުޅުވުމުގެ މަސައްކަތް ކުރަމުން އަންނައިރު އެ ރަށުގައި މަގުބައްތި ޖެހުމާއި ކަރަންޓު ޑިސްޓްރިބިއުޝަން ނެޓްވޯކް އެޅުމަށް ސްޓެލްކޯއާ ހަވާލުކޮށްފައި ވާއިރު އެ ރަށުގައި ކަރަންޓު ނެޓްވޯކް ގާއިމް ކުރުމަށްޓަކައި ޖުމްލަ 3000 މީޓަރުގެ ކޭބަލް ވަޅުލުމަށް ވަނީ ނިންމާފައެވެ.
މީގެ އިތުރުން ކުޑަގިރީގައި 150 މީހުންގެ ޖާގައިގެ މިސްކިތެއްވެސް އަޅާނެއެވެ. މި މިސްކިތަކީ ކުރިން ފެނަކަ ކޯޕަރޭޝަންގެ އެހީގައި އަޅަން ފެށި މިސްކިތެއް ނަމަވެސް މިހާރު މި މިސްކިތުގެ މަސައްކަތް ކުރަމުން ގެންދަނީ މަސީގެ އެހީގައި އެމްޓީސީސީ އިންނެވެ.
ކުޑަގިރީގައި ޕިކްނިކް އައިލެންޑް އޮންނަނީ މާލެއާ 10.5 ކިލޯމީޓަރު ދުރުމިނުގައެވެ.
ދެން ހަދާ އަލަމްގިރި ޖެޓީ.