ދިވެހިރާއްޖޭގައި ފިއްލަވައިގެން ހުންނެވި ލަންކާގެ ރައީސް ގޮތަބަޔާ ރާޖަޕަކްސަ ސިންގަޕޫރަށް ވަޑައިގަތުމަށް ތައްޔާރުވަމުން ދާ ކަމަށް ބޭރުގެ މީޑިއާތަކުން ބުނެފިއެވެ.
ގޮތަބަޔާ ރާއްޖެ ވަޑައިގަތީ، ރޭ ދަންވަރު ލަންކާގެ އެއާފޯސްގެ ހާއްސަ ފްލައިޓެއްގައެވެ.
ބޭރުގެ މީޑިއާތަކުން ރިޕޯޓު ކޮށްފަިއވާ ގޮތުގައި މިވަގުތު ރާއްޖޭގައި ހުންނެވި ގޮތަބަޔާ ސިންގަޕޫރަށް ވަޑައިގަތުމުގެ ހުއްދައަށް އެދި އެ ގައުމުގެ އިސް ބޭފުޅުންނާ ވަނީ ދަންނަވާފައެވެ.
އެ ހުއްދަ ލިބޭނެ ކަމުގެ ޔަގީންކަން ސިންގަޕޫރުން ދީފައިވާ ކަމަށް ވެސް ވަނީ ބުނެފައެވެ. އެހެންކަމުން ރާއްޖެ މަގުން އެ ގައުމަށް ވަޑައިގަތުމަށް ތައްޔާރުވަމުންދާ ކަމަށް ވަނީ ބުނެފައެވެ.
ގޮތަބަޔާ ރާއްޖެ ވަޑައިގެންނެވި މައްސަލަ ހޫނުވެފައި ވާއިރު، ސިވެހި ސަރުކާރުން އެއްވެސް އެއްޗެއް ބުނެފައެއް ނުވެއެވެ.
ބެލެވޭ ގޮތުގައި ގޮތަބަޔާ ފިއްލަވައިގެން ރާއްޖެ ވަޑައިގެންފައި ވަނީ އިސްތިއުފާ ދެއްވުމުން، ގޮތަބަޔާ ހައްޔަރުކޮށްފާނެތީއެވެ. ލަންކާގެ ގާނޫނު ބުނާ ގޮތުން، ރައީސް ކަމުގައި ހުންނެވިހާ ހިނދަކު ގޮތަބަޔާ ހައްޔަރެއް ނުކުރެވޭނެއެވެ.
ލަންކާގެ އިގްތިސޯދީ ހާލަތު ދަށަށް ގޮސް އެގައުމުގެ ރައްޔިތުން ނިކުމެ ރިޔާސީ ގަނޑުވަރު ހިފައި، ބޮޑުވަޒީރު ރަނިލް ވިކްރަމަސިންހަ ދިރިއުޅުއްވާ ގެކޮޅުގައި ހުޅުޖަހައި ރޯކޮށް، ގެއްލުން ދީފައި ވާއިރު، އެ ދެ ބޭފުޅުންވެސް އިސްތިއުފާ ދެއްވާނެކަން ވަނީ އިއުލާން ކުރައްވާ ފައެވެ. އަދި އިސްތިއުފާގެ ސިޓީގައި ގޮތަބަޔާ ސޮއިކުރައްވައި، މިއަދުގެ ތާރީހު ޖައްސަވާފައި ވާއިރު، އޭނާ ފިއްލަވައިގެން ރާއްޖެއަށް ވަޑައިގެންނެވި އިރު، ދިވެހި ސަރުކާރަށް ނޭނގި އޮވެދާނެ ކަަމާމެދު ސުވާލު އުފެދެއެވެ.
ކިހިނެއްހޭ އިގެނީ ފިލައިގެން އައިކެއް ކުއްވެރިއެއްނުވޭ އެއްވެސް ތާކުން ކުއްވެރިވި ކަމައް ނިންމާފައެއް ނެތް އެގޮތައް ސުރުހީގަ ނުޖަހަން އެދެން އެއީ ލަންކާގެ ރައިސް ކުއްވެރިއެއްނޫން