ރާއްޖެއަށް މިއަހަރު އައި ފަތުރުވެރިންގެ ޖުމުލަ އަދަދު 706,468 އަރައިފިއެވެ.
ޓޫރިޒަމް މިނިސްޓްރީގެ ތަފާސް ހިސާބުތައް ދައްކާގޮތުގައި މިމަހުގެ 1 ގެ ނިޔަލަށް 706،468 ފަތުރުވެރިން ރާއްޖެއަށް އައިސްފައިވާއިރު މިދިޔަ އަހަރުގެ ނިޔަލަށް ރާއްޖެ އައިސްފައިވަނީ 1،321،932 ފަތުރުވެރިންނެވެ.
ވޭތުވެދިޔަ 3 އަހަރު ޖޫން މަހުގެ 1 ވަނަ ދުވަހުގެ ނިޔަލަށް ރާއްޖެ އައި ފަތުރުވެރިންގެ އަދަދަށް ބަލާއިރު މިދިޔަ 2019 ވަނަ އަހަރު އެ މުއްދަތާ ހިސާބަށް އައިސްފައިވަނީ 752،650 ފަތުރުވެރިންނެވެ. އަދި 2020 ވަނަ އަހަރު 382،816 ފަތުރުވެރިން އައިސްފައިވާއިރު 2021 ވަނަ އަހަރު އައިސްފައިވަނީ 455،920 ފަތުރުވެރިންނެވެ.
ފަތުރުވެރިން އެންމެ ގިނައިން މި މުއްދަތުގެ ތެރޭގައި އައިސްފައިވަނީ އިންޑިއާ، އިނގިރޭސިވިލާތް، ރަޝިއާ، ޖަރުމަންވިލާތް އަދި އިޓަލީއިންނެވެ. މެއި މަހުގެ ނަންބަރުތަކަށް ބަލާއިރު ދުވާލަކު ޖުމްލަކޮށް އަންނަ ފަތުރުވެރިންގެ އަދަދަކީ 4،146 ގައެވެ.
