ގަވާއިދާ ހިލާފަށް ރާއްޖޭގެ އިގްތިސާދީ ސަރަހައްދަށް ވަންނަ ބޭރު ގައުމުތަކުގެ އުޅަނދު ފަހަރަށް ފިޔަވަޅު އަޅަމުން ގެންދާ ކަމަށް ފިޝަރީޒް މިނިސްޓަރު ޑރ.ހުސެއިން ރަޝީދު ހަސަން ވިދާޅުވެއްޖެއެވެ.
މިނިސްޓަރު މިހެން ވިދާޅުވީ މިއަދު ރައްޔިތުންގެ މަޖިލީހުގައި ހޯރަފުށީ ދާއިރާގެ މެންބަރު އަހުމަދު ސަލީމް (ސައްލެ) ކުރެއްވި ސުވާލަކަށް ޖަވާބު ދެއްވަމުންނެވެ.
ސަލީމް ވަނީ އިންޑިއާގެ ބޯޓު ފަހަރަށް ރާއްޖޭގެ ގަވާއިދުގެ ބޭރުން ރާއްޖޭގައި މަސްވެރިކަން ކުރުމުގެ ފުރުސަތު އެއްވެސް ވަރަކަށް ދީފައިވާނެތޯ ސުވާލުކުރައްވާފައެވެ. އަދި ގަވާއިދާއި ހިލާފަށް މަސްބާނާ އިންޑިއާގެ ބޯޓެއްވީމަ އެކަން ނުފެންނަ ކަމަކަށް ހަދައި ދޫކޮށްލާނެ ހާލަތެއް އަންނާނެތޯ ސަލީމް ސުވާލުކުރެއްވިއެވެ.
އެސުވާލުތަކަށް ޖަވާބުދެއްވަމުން މިނިސްޓަރު ވިދާޅުވީ، ރާއްޖޭގެ އުތުރުން އިންޑިއާ އާއި ރާއްޖެ ހިއްސާކުރަނީ އެއް ބޯޑަރެއް ކަމަށާއި، އެ ދެމެދުގައި 200 މޭލު ނުހުންނަ ކަމަށެވެ.
މިނިސްޓަރު ވިދާޅުވީ އިންޑިއާގެ ބޯޓު ފަހަރު ރާއްޖެއަށް ވަންނަކަމުގެ ޝަކުވާ މަސްވެރިންގެ ކިބައިން ލިބޭ ކަމަށެވެ. އަދި ހަމަ އެގޮތަށް ރާއްޖޭގެ ބޯޓުތަކުން އިންޑިއާގެ ސަރަހައްދަށް ވެސް ވަދެ އެކަން އެނގުމުން ނުކުންނަ ކަމަށެވެ.
އިންޑިއާގެ ބޯޓުތައް ގިނަވުމުގެ ޝަކުވާއެއް ކޯސްޓްގާޑުން ފާހަގަކޮށްފައި ނެތް ކަމަށް މިނިސްޓަރު ވިދާޅުވިއެވެ. އަދި ގަވާއިދާ ހިލާފަށް ރާއްޖޭގެ ސަރަހައްދަށް ވަދެ މަސްވެރިކަންކުރާކަމުގެ ޝަކުވާ ވެސް ކޯސްޓްގާޑުން ކޮށްފައި ނުވާ ކަމަށް މިނިސްޓަރު ފާހަގަކުރެއްވިއެވެ.
ރާއްޖެ އަކީ ކަނޑުގެ ސަރަހައްދު ބޮޑު ގައުމަކަށް ވެފައި ރާއްޖޭގެ ކަނޑުގެ ސަރަހައްދުން ގަވާއިދާ ހިލާފަސް މަސްވެރިކަން ކުރަން ދޭތެރެ ދޭތެރެއިން އުޅަނދުތައް ވަދެއެވެ.
އާންމުކޮށް ރާއްޖޭގެ ކަނޑުގެ ސަރަހައްދަށް ވަންނަ މި ބާވަތުގެ އުޅަނދުތައް އިތުރަށް ބަލާ، ފާސް ކުރާ އިރު މަސްތުވާތަކެތި ފެންނަ ނިސްބަތްވެސް މަދެއް ނޫނެވެ.
ތީ ކިހިނެއް ވާނެ ކަމެތް ޔަގީނުންވެސް ފިޔަވަޅު އަޅާ ގައުމު ތަކުގެ ތެރޭ އިންޑިޔާ ނުހިމެނޭނެ