ގއ. ވިލިގިލީގައި ގެއެއްގެ ހިންގި މާރާމާރީއެއްގައި މީހަކު އޭނާގެ ކުރީގެ އަނބިމީހާގެ ދައްތަގެ އިނގިލީގައި ދަތްއަޅާ އިނގިލި ބުރިކޮށްލައިފިއެވެ.
މި ހާދިސާއާ ގުޅިގެން ކޯޓު އަމުރެއްގެ ދަށުން ހައްޔަރުކުރީ ގ. ޗެރީ ހައުސް އަލީ ހަސަން، 35، އެވެ. އެ ހާދިސާ ހިނގައިފާ ވަނީ ކުރީގެ އޭނާގެ ކައިވެންޏަށް ލިބިފައިވާ ދަރިންތަކެއް ވަގަށް ނަގަން އިއްޔެ ރޭ ދަންވަރު ވަގުތެއްގައި އެ ގެއަށް ވަދެ އުޅެނިކޮށް ފަޅާއަރައި ހިންގި މާރާމާރީގައެވެ.
އެ މާރާމާރީގައި ތިން އަހެނަކާއި އެއް ފިރިހެނަކަށް އެކި ވަރުގެ އަނިޔާވެފައިވާއިރު 39 އަހަރުގެ އަންހެނެއް އިނގިލީގައި ދަތް އަޅާ ބުރިކޮށްލައިފާވާއިރު 31 އަހަރުގެ އަންހެނެއްގެ މުލަށްދަޑީގައި ވަނީ ދަތް އަޅާފައެވެ. އަދި 60 އަހަރުގެ އަންހެނެއްގެ އިނގިލި ބިންދާފައިވާއިރު 74 އަހަރުގެ ފިރިހެނެއްގެ އަނގަ މަތި ވަނީ ފަޅާލާފައެވެ. އޭގެ ތެރޭގައި ހިމެނެނީ އަލީގެ ކުރީގެ އަންހެނުންނާއި އޭނަގެ މަންމަ އަދި އެ އާއިލާގެ ފިރިހެނެކެވެ.
ފުލުހުން އަންނަނީ މި މައްސަލަ އިތުރަށް ތަހުގީގުކުރަމުންނެވެ.
ތިކަހަލަ މީހުން ވީ ވަގުތުން ހައްޔަރު ކުރަން