"އިންޑިއާ އައުޓް" ހަރަކާތް ހުއްޓުވުމަށް ރައީސް އިބްރާހިމް މުހައްމަދު ސޯލިހު ނެރުއްވި ގަރާރަށާއި ފާޑުކިޔާފައިވެފައިވާ ކަމަށް ނިންމާ އަރަބިއްޔާ ސްކޫލުގެ ޓީޗަރު ޒަމްޒަމް ފާރިޝް މުސާރަ ނުލިބޭހެން މަސް ދުވަހަށް ސަސްޕެންޑް ކުރީ އޮޅުމަކުން ކަމަށް އެޑިއުކޭޝަން މިނިސްޓްރީން އޭނާއަށް އަންގައިފިއެވެ.
މިދިޔަ ބުރާސްފަތި ދުވަހުން ފެށިގެން މަސް ދުވަހުގެ މުއްދަތަށް ސަސްޕެންޑް ކުރީ ޒަމްޒަމް ފާރިޝް ވަނީ "އިންޑިއާ އައުޓް" ހުއްޓުވަން ރައީސް ސޯލިހު ނެރުއްވި ގަރާރާ ގުޅިގެން އިސްލާމްދީނާ ދެކޮޅަށް ރިޕޯޓު ލިޔުމުން ވެސް ގައުމީ ސަލާމަތަށް ނުވި ނުރައްކަލެއް އިންޑިއާ ސިފައިން ތިބުމާ ދެކޮޅަށް ދަމާ ބެނާ އަކުން ވާނެ ގޮތެއް ނުވިސްނޭ ކަމަށް ބުނެފައެވެ.
އެކަމާ ގުޅިގެން އެ ގަރާރަށް ފާޑުކީ ކަމަށް ނިންމާ އެޑިއުކޭޝަން މިނިސްޓްރީގެ ޕާމަނަންޓް ސެކްރެޓަރީ އަހުމަދު އަލީ ސޮއިކުރައްވައި ޒަމްޒަމް ފާރިޝް އަށް ފޮނުވި ލިޔުމުގައި ވަނީ އޭނާ 30 ދުވަހަށް ސަސްޕެންޑްކުރީ މުސާރަ ވެސް ނުލިބޭ ގޮތަށް ކަމަށެވެ.
އެ ނިންމުން ބަދަލުކޮށް މިނިސްޓްރީއިން ކުރި މެއިލްއެއްގައި ބުނީ މުސާރަ ނުލިބޭނެކަން ކުރިން އެންގި ލިޔުމުގައި ޖެހިފައި ވަނީ އޮޅުމަކުން ކަމަށެވެ. އަދި މިނިސްޓްރީގެ އެ ބަދަލާ ގުޅިގެން އޭނާ ނިންމާފައި ވަނީ 30 ދުވަހުގެ މުސާރައިން ތިންބައިކުޅަ ދެބައި އޭނާ ނިސްބަތްވާ ތ. ކިނބިދޫ އާއި ބ. އޭދަފުއްޓަށް ސަދަގާތް ކުރާށެެވެ.
ޒަމްޒަމް ސްކޫލަށް ނުދެވޭނެހެން އެޑިއުކޭޝަނުން ނުޙައްގުން ސަސްޕެންޑު ކޮށްފައިވާ ކަމަށް ގޮވާލާ އެ ސްކޫލު ދޮށުގައި ބެލެނިވެރިން ވަނީ ސުލްހަވެރި އިހުތިޖާޖެއްވެސް ކޮށްފައެވެ.
