ރޯދަ ދޫކޮށްލައި އާންމު ތަނެއްގައި ކައިގެން ހައްޔަރުކުރި ދެ މީހަކު ދޫކޮށްލައިފިއެވެ.

މި މައްސަލައިގައި ހައްޔަރޮށްފައިވަނީ އުމުރުން 30 އަހަރުގެ ފިރިހެނަކާއި 39 އަހަރުގެ ފިރިހެނެކެވެ. މދެމީހުން ވެސް ހައްޔަރުކޮށްފައިވަނީ މާލެއިންނެވެ.

މި މައްސަލާގައި ދެ މީހުން ވެސް ވަނީ ރޯދަ ދޫކޮށްލައި އާންމު ތަނެއްގައި ކައިބޮއި ހެދި ކަމަށް އިއުތިރާފުވެފައެވެ.

އަދި އެ މީހުން ދުވާލު ގަޑީގައި ކެއީ ބަލިވެއުޅޭތީ ކަމަށް ވެސް ކޯޓުގައި އެމީހުން ވަނީ ބުނެފައެވެ.

މި މައްސަލާގައި ކޯޓުން ވަނީ މި ދެ މީހުންގެ ފަރާތުން ވެސް މުޖުތަމައުގެ ސަލާމަތަށް ނުރައްކާވާ ސަބަބެއް ނެތް ކަމަށް ބުރަވެވޭތީ ޝަރުތުރުކޮށް ދޫކޮށްލައިފައެވެ.

ގާނޫނުލްއުގޫބާތުގައިވާ ގޮތުން ގަބޫލުކުރެވޭ ފަދަ ދީނީ އަދި ސިއްހީ ސަބަބެއް ނެތި ރޯދަ ދޫކޮށްލުމަކީ ކުށެކެވެ. އެ ކުށް ކުރި ކަން ކޯޓަށް ސާބިތުވެއްޖެނަމަ، ދެވޭނެ އެންމެ ބޮޑު އަދަބަކަށް އޮންނަނީ ތިން މަހަށް ޖަލަށްލުމެވެ. އަދި އެންމެ ކުޑަ އަދަބަކީ ނުވަ ދުވަހަށް ޖަލަށް ލުމެވެ.

ހަބަރު ކްރިމިނަލް ކޯޓް