ފެމިލީ ލީގަލް ކްލިނިކް (އެފްއެލްސީ) އިން ކުރިޔަށް ގެންދާ ލީގަލް އެއިޑް ޕްރޮގްރާމުގެ ދަށުން ގާނޫނީ ލަފާ ބޭނުންވާ ފަރާތްތަކަށް އެހީވުމަށް ބީއެމްއެލް އިން އެ ޖަމިއްޔާއަށް 100،000 ރުފިޔާ ހަދިޔާކޮށްފިއެވެ.
މިއަދު ހެނދުނު ބީއެމްއެލްގެ ހެޑް އޮފީހުގައި ބޭއްވުނު ކުޑަ ހަފްލާއެއްގައި އެޖަމިއްޔާއާ މި އެހީ ހަވާލުކޮށްދެއްވީ ބޭންކުގެ ސީއީއޯ އަދި މެނޭޖިން ޑައިރެކްޓަރު ޓިމް ސޯޔާއެވެ. އަދި އެ ޖަމިއްޔާގެ ފަރާތުން ހަވާލުވެވަޑައިގަތީ ކޯ ޗެއާޕާސަން ޝަފީއާ ރިޟާއެވެ.
ބީއެމްއެލް އިން ބުނީ މި އެހީއާއެކު މިއަހަރު ތެރޭގައި 100 އަށް ވުރެ ގިނަ ފަރާތްތަަކަށް ގާގޫނީ އެހީ ހިލޭ ފޯރުކޮށްދިނުމަށް ހަމަޖެހިފައިވާ ކަމަށެވެ.
މީގެ އިތުރުން އާންމުން ހޭލުންތެރިކުރުވުމުގެ ގޮތުން ކުރިޔަށްގެންދާ ޕްރޮގްރާމްތަކަށް އެހީތެރިވުމަށް ހަމަޖެހިފައިވާ ކަމަށް ބީއެމްއެލް އިން ބުނެއެވެ.
އެފްއެލްސީ އިން ކުރިޔަށްގެންދާ އާންމުން ހޭލުންތެރިކުރުވުމުގެ ގޮތުން ބާއްވާ ހަރަކާތްތަކަށް 2019 ވަނަ އަހަރުން ފެށިގެން ބީއެމްއެލް އިން އެހީތެރިވަމުންދާ ކަމަށް ބީއެމްއެލް ވަނީ ބުނެފައެވެ.
