މިރޭ 9 ޖަހާ އިރު ހުޅުމާލޭގައި ހަވާ އަރުވާނެ ކަމަށް އެމްއެންޑީއެފުން ބުނެފިއެވެ.
ނަމަވެސް ހަވާ އަރުވަނީ ކޮން މުނާސަބަތައެ 5 މިނެޓްގެ ވަގުތަށް އެމްއެންޑީއެފުން ޗާޖް ކުރީ ކިހާވަރެއްކަމެއް ވެސް ހާމަ ނުކޮށް ބުނީ ސިފްކޯ އިން އެ މައުލޫމާތު ސާފު ކުރުމަށެވެ.
މިރޭ ހަވާ އަރުވަން ހަމަޖެހިފައި ވަނީ ހުމާލެ ދެވަނަ ފިޔަވަހީގައި ފަރުކޮޅުފުއްޓާ ދިމާލުގައި ކަމަށް އެމްއެންޑިއެފުން ބުނެއެވެ.
މީގެ ކުރިން ވެސް ވިޔަފާރި އުސޫލުން އަމިއްލަ ފަރާތްތަކަށް، "ސިފްކޯ" އިން ވަނީ އެމްއެންޑީއެފްގެ ބެލުމުގެ ދަށުން ތަފާތު ހަފްލާތަކުގައި އެކި އެކި މުނާސަބާތައް ފާހަގަކުރުމަށް ހަވާ އަރުވައެވެ.
އެގޮތުން ކައިވެނި ހަފްލާތަކާ ގުޅިގެން ވެސް މީގެ ކުރިން ވަނީ މާލެގައި ހަވާ އަރުވާފައެވެ. އަދި އެކި ރަސްމިއްޔާތުތަކާއި އާ އަހަރު ފާހަގަ ކުރުމުގެ ގޮތުން ވެސް މީގެ ކުރިން ވަނީ ހަވާ އަރުވާފައެވެ.
މި އަހަރުގެ އާ އަަހަރު ފާހަގަ ކުރުމުގެ ގޮތުން ހަވާ އަރުވާފައިވާ އިރު އެއީ އެއް އަހަރުގެ މެދު ކެނޑުމަކަށް ފަހު ހަވާ އެރުވި ފުރަތަމަ ފަހަރެވެ.
