އައްޑޫ ސިޓީގައި އިއްޔެ 22 މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
އައްޑޫ އިކުއިޓޯރިއަލް ހޮސްޕިޓަލުން ބުނީ އިއްޔެ ހަވީރު 6 ޖެހުމާ ހަމައަށް 22 ކޭސް ފެނިފައިވާއިރު އޭގެ ތެރެއިން 11 ކޭސް ފެނިފައިވަނީ ހިތަދޫއިން ކަމަށެވެ. އޭގެ އިތުރުން 9 ކޭސް މަރަދޫ ފެނިފައިވާއިރު އަނެއް ދެ ކޭސް ފެނިފައިވަނީ ފޭދޫން ކަމަށް އެ ހޮސްޕިޓަލުން ބުނެއެވެ.
އިއްޔެ ޕޮޒިޓިވްވި މީހުންގެ ތެރޭގައި ހިމެނެނީ 6 ޑައިރެކްޓް ކޮންޓެކްޓުންނާ ދެ ފުލާ ސާމްޕަލް، 4 ރެންޑަމް ސާމްޕަލް ކަމަށް އެހޮސްޕިޓަލުން ބުނެއެވެ.
އައްޑޫގެ މުޅި ޖުމްލަ އެކްޓިވް ކޭސްގެ އަދަދު ވަނީ 239 އަށް އަރާފައެވެ. އެގޮތުން އެކްޓިވް ކޭސްތައް އެންމެ ގިނައީ ފޭދޫގަ އެވެ. އެއީ 91އެވެ.
އޭގެ އިތުރުން މަރަދޫފޭދޫގައި 31 ކޭސް، މަރަދޫއި އެކްޓިވް 25 ކޭސް، ހިތަދޫގައި 90، މީދޫގައި 2 ކޭސް އުޅޭ ކަމަށް ހޮސްޕިޓަލުން ބުނެއެވެ.
އައްޑޫން މިވަގުތު ބަލި ޖެހިފައި ތިބި މީހުންގެ ތެރެއިން 5 މީހަކަށް އައްޑޫ ކޮވިޑް ފެސިލިޓީގައި ފަރުވާދެމުންދާ ކަމަށް އައްޑޫ އިކުއިޓޯރިއަލް ހޮސްޕިޓަލުން ބުންޏެވެ.
ކޮވިޑު ޖެހިގެން އައްޑޫން 5 މީހަކު ވަނީ މަރުވެފައިވެއެވެ.
