ރައީސުލްޖުމްހޫރިއްޔާގެ ނާއިބު ފައިސަލް ނަސީމްގެ ހާލުކޮޅު ދެރަވެ ހޮސްޕިޓަލްގައި އެޑްމިޓް ކޮށްފިއެވެ.
ރައީސް އޮފީހުގެ ތަރުޖަމާން މުހައްމަދު މަބުރޫކް އަޒީޒު ކުރެއްވި ޓްވީޓެއްގައި ވިދާޅުވީ ނައިބު ރައީސް ފައިސަލްގެ ހާލުކޮޅު ދެރަވެ ދަރުމަވަންތަ ހޮސްޕިޓަލްގައި އެޑްމިޓްކޮށް ފަރުވާދެމުން ގެންދާ ކަމަށެވެ.
އަދި މިހާރު ފައިސަލްގެ ހާލުކޮޅު "ސްޓޭބަލް" ކަމަށް މަބްރޫކު ވިދާޅުވިއެވެ.
ފައިސަލް އެޑްމިޓް ކޮށްފައި ވަނީ ކޮން އިރަކު ކަމެއް މަބްރޫކު ހާމަކުރައްވާފައެއް ނުވެއެވެ.
މީގެ ކުރިން މިދިޔަ ފެބްރުއަރީ މަހު ފައިސަަލް އާލާސްކަންފުޅާ އުޅުއްވާތީ ދަރުމަވަންތަ ހޮސްޕިޓަލުގައި އެޑްމިޓް ކޮށް ވަނީ ފަރުވާ ދީފައެވެ. އަދި ކޮވިޑް ޓެސްޓް ހެދި އިރު އޭރު ނަތީޖާ ވަނީ ނެގެޓިވް ވެފައެވެ.
