ކުރީގެ ލަވަކިއުންތެރިޔާ މުހައްމަދު ޝަހުބާން ކުއްލި ގޮތަކަށް ނިޔާވެއްޖެއެވެ.
މައުލޫމާތު ލިބިފައިވާ ގޮތުގައި ޝަހުބާނު ނިޔާވެފާ އޮއްވާ ފެނުނީ ރޭ މަގުރިބު ނަމާދަށް ވުލޫކުރަން ފާހާނާއަށް ވަދެ ހަބަރެއް ނުވެގެން ގިނައިރުވުމުން ބެލިއިރުއެވެ. އަދި އޭނާ ނިޔާވި އިރު އުޅުނީ ބަލިވެ ނޫން ކަމަށް ވެސް މައުލޫމާތު ލިބެއެވެ.
ޝަހުބާންގެ ޖަނާޒާ އޮންނާނީ މިއަދު މެންދުރު ނަމާދަށް ފަހު އާސަހަރާ މިސްކިތުގައެވެ.
ޝަހުބާން ނިޔާވި އިރު އޭނާގެ އުމުރަކީ 53 އަހަރެވެ. ނިޔާވިއިރު ޝަހުބާންގެ ދެ ފިރިހެން ކުދިން އެބަތިއްބެވެ.
ޝަހްބާންގެ އަޑުން ކިޔާފައިވާ ލަވަތަކުގެ ތެރެއިން އެންމެ ފާހަގަ ކޮށްލެވޭ އެއް ލަވައަކީ، “ރީތި ނަލަ ނަލަ ހަނދޭ ކުރި އަލީގައި” ލަވައެވެ.
ލަވަކިޔުން ހުއްޓާލުމަށްފަހު އޭނާ މަސައްކަތްކުރަމުން އައީ ނެޝެނަލް ސެންޓަ ފޮ ދި އާޓްސްގެ މިއުޒިކް ކޮންސަލްޓަންޓެއްގެ ގޮތުގައެވެ.
