އައްޑޫގައި މިމަހު 17 ވަނަ ދުވަހު ސައިކަލެއްގައި ދިޔަ 2 މީހަކަށް ތޫނު އެއްޗަކުން ހަމަލާދީ ޒަހަމް ކޮށްލި މައްސަލައިގައި ހައްޔަރުކުރި 2 މީހުންގެ ބަންދަށް 10 ދުވަސް ޖަހައިފިއެވެ.
އެ މައްސަލައާ ގުޅިގެން ހައްޔަރުކޮށްފައި ވަނީ އުމުރުން 27 އަހަރުގެ ދެ ފިރިހެނުންނެވެ.
ފުލުހުން ބުނީ އެމައްސަލައާ ގުޅިގެން ހައްޔަރު ކުރި 2 މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން 10 ދުވަހުގެ މުއްދަތު ދީފާވާ ކަމަށެވެ.
އެ ހާދިސާގައި އަނިޔާ ވެފައި ވަނީ އުމުރުން 27 އަހަރުގެ ފިރިހެނަކަށާއި 23 އަހަަރުގެ އަންހެނަކަށެވެ.
ފުލުހުން، އެ މައްސަލަ ދަނީ އިތުރަށް ތަހުގީގު ކޮށް ބަލަން ޖެހޭ ކަންކަން ބަލަމުންވެ.
އައްޑޫގައި އެދުވަހު ވަނީ އިތުރު މާރާމާރީއެއް ވެސް ހިންގާފައެވެ. އެމާރާމާރީގައި ތޫނު އެއްޗަކުން ހަމަލާ ދީ މީހަކު ޒަހަމް ކޮށްލާފައި ވާއިރު އެ މައްސަލައާ ގުޅިގެން ހައްޔަރުކުރި މީހާ ޝަރީއަތް ނިމެންދެން ވަނީ ބަންދުކޮށްފައެވެ.
