އައްޑޫ ސިޓީން ކޮވިޑަށް ޕޮޒިޓިވްވި މީހުންގެ އަދަދު 748އަށް އަރައިފިއެވެ.
އައްޑޫ އިކުއަޓޯރިއަލް ހޮސްޕިޓަލުން ބުނީ އިއްޔެ ހަވީރު 6 ޖެހުމާ ހަމައަށް އާ 10 ކޭސް ފެނިފައިވާ ކަމަށެވެ.
އެގޮތުން އޭގެ ތެރެއިން 6 ކޭސް ފެނިފައިވަނީ މަރަދޫ އިން ކަމަށާއި ފޭދޫ އިން 2 ކޭސް އަދި ހިތަދޫއިން 2 ކޭސް ފެނިފައިވާ ކަމަށް އެހޮސްޕިޓަލުން ބުނެއެވެ.
އިއްޔެ ޕޮޒިޓިވްވި މީހުންގެ ތެރޭގައި ހިމެނެނީ 7 ޑައިރެކްޓް ކޮންޓެކްޓާ، ރެންޑަމް ސާމްޕަލްއެއް އަދި ހޯމް ކަރަންޓީނުގައި ހުރި މީހެއްގެ އިތުރުން ފުލޫ ކްލިނިކުން މީހެއް ކަމަށް ހޮސްޕިޓަލުން ބުނެއެވެ.
އައްޑޫއިން 748 ކޮވިޑް ކޭސްފެނިފައިވާއިރު އޭގެ ތެރެއިން 600 މީހުން ވަނީ ރަނގަޅުވެފައެވެ. މިބަލީގައި އައްޑޫ އިން ދެ މީހަކު ވަނީ މަރުވެފައެވެ.
އެކްޓިވް ކެސްތަކަށް ބަލާއިރު އެކްޓިވް ކޭސްތަކުގެ އަދަދު އުޅެނީ 146 ގައެވެ. އެގޮތުން އެންމެ ގިނަ އެކްޓިވް ކޭސް މިހާރު އުޅެނީ މަރަދޫގައެވެ. މަރަދޫގައި އެކްޓިވް ކޭސް އުޅެނީ 81 ކޭސްއެވެ.
މީގެ އިތުރުން މަރަދޫފޭދޫގައި 39 ކޭސް، ފޭދޫގައި އެކްޓިވް 14 ކޭސް، ހިތަދޫގައި 12 ކޭސް އުޅޭ ކަމަށް ހޮސްޕިޓަލުން ބުނެއެވެ.
