މާލެ ސިޓީގެ އަންހެނުންގެ ތަރައްގީއަށް މަސައްކަތްކުރާ ކޮމީޓީ (ޑަބްލިއުޑީސީ)ގެ މެންބަރުންނާއި ފަސްޓް ލޭޑީ، ފަޒްނާ އަހުމަދު ބައްދަލު ކުރައްވައިފިއެވެ.
ރައީސް އޮފީހުން ބުނީ އެ ބައްދަލުވުމަކީ ޑަބްލިއުޑީސީގެ އެދުމުގެ މަތިން ބޭއްވި ބައްދަލުވުމެއް ކަމަށެވެ. އެ ބައްދަލުވުން ބާއްވާފައި ވަނީ މިއަދުއެވެ.
އެ ބައްދަލުވުމުގައި ޑަބްލިއުޑީސީގެ މެންބަރުންގެ ކަންބޮޑުވުންތައް އަޑު އައްސަވާ، އެ ކަންބޮޑުވުންތަކާ ބެހޭގޮތުން ފަޒްނާ މަޝްވަރާ ކުރައްވާފައިވާ ކަމަށް ރައީސް އޮފީހުން ވަނީ ބުނެފައެވެ.
ފަޒްނާގެ ވާހަަކައިގައި އަންހެނުންގެ ހައްގުތައް ރައްކާތެރި ކުރުމާއި އަންހެނުންގެ ހިޔާލުތައް ހަގީގަތަކަށް ހަދަން މުވައްސަސާތައް ގުޅިގެން ކުރިއަށް ދާން ޖެހޭ ކަމަށް ވަނީ ވިދާޅުވެފައެވެ.
އަދި އަންހެނުންގެ ކަންބޮޑުވުންތައް ހައްލުކޮށްދިނުމަށް އިސްކަން ދެއްވައިގެން މަސައްކަތް ކުރައްވާނެ ކަމަށް އެކަމަނާ ވިދާޅުވެފައި ވެއެވެ.
