ކޮވިޑް ޖެހިގެން އަނެއްކާވެސް މީހަކު މަރުވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ ކޮވިޑް ޖެހިގެން ހުޅުމާލެ މެޑިކަލް ފެސިލިޓީގައި ފަރުވާދެމުން ދިޔަ 71 އަހަރުގެ ދިވެހި ފިރިހެނެއް ރޭ 22:30 ހާއިރު މަރުވެފައިވާ ކަމަށެވެ. އަދި މިއީ މިހާތަނަށް ކޮވިޑް ޖެހިގެން ރާއްޖެއިން މަރުވި 148 ވަނަ މީހާއެވެ.
ރާއްޖޭގައި ކޮވިޑަށް ޕޮޒިޓިވް ވެ ބަލީގައި މަރުވާ މީހުންގެ އަދަދު އިތުރު ވެފައިވާ މި ދަނޑިވަޅުގައި މިދިޔަ ހޯމަ ދުވަހު އެކަނި ވެސް ވަނީ 13 މީހަކު މަރުވެފައެވެ. އޭގެ ތެރެއިން 11 މީހުން މަރުވެފައި ވަނީ ހުޅުމާލެ މެޑިކަލް ފެސިލިޓީގައި ފަރުވާ ދެމުން ދަނިކޮށެވެ.
މިއީ އެއް ދުވަހެއްގެ ތެރޭގައި ކޮވިޑްގައި މިހާ ގިނަ މީހުން މަރުވި ފުރަތަމަ ދުވަހެވެ. މި މަހުގެ ތެރޭގައި މަރުވި މީހުންގެ އަދަދު ވަނީ 75 އަށް އަރާފައެވެ. މޭއި މަހުގެ ކުރިން ރާއްޖެއިން ކޮވިޑް ޖެހިގެން މަރުވެފައިވަނީ 73 މީހުންނެވެ.
