ރާއްޖޭގައި އުމުރުން ދުވަސްވެފައި ތިބި މީހުންގެ ތެރެއިން އެކަކު ކޮވިޑް-19 ގެ ބަލިމަޑުކަމުގައި މަރުވެއްޖެއެވެ.
ކޮވިޑުގެ ބަލީގައި މިއަދު ހެނދުނުގެ ވަގުތެއްގައި މަރުވެފައި ވަނީ ޏ. ފުވައްމުލަކަށް އުފަން، އެ ރަށު ފަތަނގުމާގެ، އުމުރުން 106 އަހަރުގެ އަލީ ސުލައިމާނެވެ.
ސުލައިމާނަށް ކޮވިޑު ޖެހިފައި ވާކަން އެނގުނީ އައިޖީއެމްއެޗަށް ގެންގޮސް ހެދި ޓެސްޓުތަކުންނެވެ. ނަމަވެސް އަދި މިއީ ކޮވިޑު މަރެއްގެ ގޮތުގައި އެޗްޕީއޭއަކުން ނުނިންމައެވެ.
ހުޅުމާލެ މިސްކިތުގައި ހުކުރު ނަމާދަށް ފަހު ސުލައިމާނުގެ ކަށުނަމާދު އޮންނާނެ ކަމަށް ބުނެފައި ވެއެވެ.
މިއީ ރާއްޖޭން ކޮވިޑް ބަލީގައި ރާއްޖޭން ނިޔާވި އުމުރުން އެންމެ ދުވަސްވީ މީހާއެވެ.
ކޮވިޑުގައި ރާއްޖޭން މިހާތަނަށް 274 މީހުން މަރުވެފައި ވާއިރު، މިމަހު އެކަނިވެސް 12 މީހުން މަރުވެފައި ވެއެވެ.
ދެއަހަރުން 300 ހަމަނުވޭ. ޕޮސިޓިވް 100000 އަށް ވުރެ މަތި. ޕަސެންޓޭޖުން ބަލާނަމަ 0.003. މިޔަކަށް ނުކިޔާނެ ޕެނަޑެމިކެއް. މަރުވިގިނަމީހުންގެ އުމުރު 80 އަށްވުރެ މަތި. ކޮވިޑު ފިޔަވާ އެތައް އެތައް ބައްޔެއް ޖެހި މަރުވާންވެފަ ތިބި މީހުން. މިދެން މީހުން ބިރުގަންނަވަން ދައްކާވަރު ވާހަކަ އެއްނޫން.