ކޮވިޑް ޖެހިގެން ދިވެހި ފިރިހެނަކު މަރުވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ މިއަދު ހެނދުނު 07:44ގައި ހުޅުމާލޭ މެޑިކަލް ފެސިލިޓީގައި ފަރުވާދެމުން ދިޔަ 85 އަހަރުގެ ދިވެހި ފިރިހެނަކު މަރުވެފައި ވާކަމަށެވެ. މިއީ ދިވެހި ރާއްޖެއިން ކޮވިޑް ޖެހިގެން މަރުވި 134 މީހާއެވެ.
މިއީ މިއަދު މަރުވެ ފަސް ވަނަ މީހާއެވެ. މިއަދު ފުރަތަމަ މަރުވެފައިވަނީ އައިޖީއެމްއެޗްގެ އީއާރަށް ގެނެވުނު 81 އަހަރުގެ ދިވެހި ފިރިހެނެކެވެ. އެއީ ރޭ ދަންވަރު 02:02 ހާއިރުއެވެ.
ދެވަނަ މީހާ މަރުވެފައިވަނީ ރޭ ފަތިހު 04:25 ހާއިރުއެވެ. އެއީ ހުޅުމާލޭ މެޑިކަލް ފެސިލިޓީގައި ފަރުވާދެމުންދިޔަ 58 އަހަރުގެ ދިވެހި ފިރިހެނެކެވެ. އަދި
މިއަދު ތިންވަނައަށް މަރުވެފައިވަނީ ދަަންވަރު 03:18 ހާއިރު ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ 77 އަހަރުގެ ދިވެހި ފިރިހެނެކެވެ. އަދި ހަތަރު ވަނަ އަށް މަރުވެފައިވަނީ ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ 93 އަހަރުގެ ދިވެހި ފިރިހެނެކެވެ. އެއީ މިއަދު 06:55 އެވެ.
މި މަހަކީ ކޮވިޑް ގައި އެންމެ ގިނަ މީހުން މަރުވި އަދި އެންމެ ގިނަ މީހުން ޕޮޒިޓިވްވި މަހެވެ. މިގޮތުން މިހާތަނަށް މިމަހުގެ ތެރޭގައި 61 މީހުން ވަނީ ކޮވިޑް ޖެހިގެން މަރުވެފައެވެ.
