ކޮވިޑް ޖެހިގެން ރާއްޖެއިން އިތުރު ތިން މީހުން މަރުވެއްޖެއެވެެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ އައިޖީއެމްއެޗްގެ އީއާރަށް ގެނެވުނު 81 އަހަރުގެ ދިވެހި ފިރިހެނެއް ރޭ ދަންވަރު 02:02 ހާއިރު މަރުވެފައިވާ ކަމަށެވެ. އަދި މިއީ ކޮވިޑް ޖެހިގެން ރާއްޖެއިން މަރުވި 130 ވަނަ މީހާކަމަށްވެސް އެޗްޕީއޭއިން ބުނެއެވެ.
ރޭ ފަތިހު 04:25 ހާއިރު ހުޅުމާލޭ މެޑިކަލް ފެސިލިޓީގައި ފަރުވާދެމުންދިޔަ 58 އަހަރުގެ ދިވެހި ފިރިހެނެއް މަރުވެފައިވާ ކަމަށް އެޗްޕީއޭއިން ބުނެއެވެ. އަދި މިއީ ކޮވިޑް ޖެހިގެން ރާއްޖެއިން މަރުވި 131 ވަނަ މިހާއެވެ.
މިއަދު ތިންވަނައަށް މަރުވެފައިވަނީ ދަަންވަރު 03:18 ހާއިރު ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ 77 އަހަރުގެ ދިވެހި ފިރިހެނެކެވެ. މިއީ ރާއްޖެއިން ކޮވިޑް ޖެހިގެން މަރުވި 132 ވަނަ މީހާއެވެ.
އިއްޔެވެސް ކޮވިޑް ޖެހިގެން 6 މީހަކު މަރުވެފައިވެއެވެ. އެއީ ހުޅުމާލެ މެޑިކަލް ފެސިލިޓީގައި ފަރުވާ ދެމުން ދިޔަ 66 އަހަރުގެ ދިވެހި ފިރިހެނަކާ، 62 އަހަރުގެ ދިވެހި އަންހެނަކާ، 79 އަހަރުގެ ދިވެހި އަންހެނަކާ، 68 އަހަރުގެ ދިވެހި އަންހެނަކާ، 78 އަހަރުގެ ދިވެހި ފިރިހެނެއްގެ އިތުރުން ދަރުމަވަންތަ ހޮސްޕިޓަލުގައި ފަރުވާދެމުން ދިޔަ 80 އަހަރުގެ ދިވެހި ފިރިހެނެކެވެ.
ގައުމުގެ ފޯކަސް އޮތީ ވަކި ސިޔާސީ ބައެއް ހިމާޔަތް ކުރުމުގައި. ދިވެހިންނަށް ވިސްނޭނެ ދުވަހެއް ނެތް. ތިމާ މައިންބަފައިންނާއީ އަނބިދަރިން ދޫކޮށްފައިވެސް ބަލަނީ ސިޔާސީ މިހާ ހިމާޔަތް ކުރުމުގައި. ވަކި ކުލައެއްގެ ފިކުރު ދެމެހްޓުމަށް. ވަނީ ގެއްލުމެއް ތޯ ފައިދާ އެއްތޯ ބެލުމެއްނެތް. ތިމާ ރުހޭމީޙާ މިނިސްޓަރުކަމުގައި ރައިސްކަމުގައި ހުރީމާ ކަމެއް ފުދި ނިމުނީ.