ކޮވިޑް-19 އަށް ޕޮޒިޓިވް ވެ ގާނޫނީ ވަކީލު އަހުމަދު ޒަނީން އާދަމް ނިޔާވެއްޖެއެވެ.
ޒަނީން ނިޔާވެފައި ވަނީ ކޮވިޑަށް ޕޮޒިޓިވް ވެގެން ހުޅުމާލޭ މެޑިކަލް ފެސިލިޓީގައި ފަރުވާ ހޯއްދަވަމުން ގެންދަވަނިކޮށް މިއަދު ހަވީރުގެ ވަގުތެއްގައެވެ.
ޒަނީން ނިޔާވި އިރު، އުމުރަކީ 59 އަހަރެވެ.
ޒަނީނަކީ ގިނަ މައްސަލަތަކެއް ކޯޓުތަކުގައި ވަކާލާތު ކުރެއްވި ބޭފުޅެކެވެ.
ޒަނީންގެ މަރާއެކު ރާއްޖެއިން ކޮވިޑް ބަލީގައި މަރުވި މީހުންގެ އަދަދު ވަނީ 122 އަށް އަރާފައެވެ.
މިއީ މިއަދު މަރުވި ދެވަނަ މީހާއެވެ. މިއަދު ފުރަތަމަ މަރުވީ 12:02 ހާއިރު ހުޅުމާލޭ މެޑިކަލް ފެސިލިޓީގައި ފަރުވާދެމުން ދިޔަ 48 އަހަރުގެ ދިވެހި ފިރިހެނެކެވެ.
ކޮވިޑް ޖެހިގެން އިއްޔެ 4 މީހުން މަރުވެފައި ވާއިރު މިމަހު ތެރޭ ކޮވިޑް ޖެހިގެން 49 މީހަކު މިހާތަނަށް ވަނީ މަރުވެފައެވެ.
إِنَّا لِلّهِ وَإِنَّـا إِلَيْهِ رَاجِعونَ
ވަރަށް ވަރަށް ދެރަވޭ ސުވަރުގޭ ގެ ނިޢުމަތް ދެއްވާށި