ކޮވިޑް ޖެހިގެން ފަރުވާދެމުން ދިޔަ ދިވެއްސަކު މަރުވެއްޖެއެވެ. މިއީ މިއަދުގެ 6 ވަނަ މަރެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ މިއަދު 09:48 ހާއިރު ހުޅުމާލޭ މެޑިކަލް ފެސިލިޓީގައި ފަރުވާދެމުން ދިޔަ 66 އަހަރުގެ ދިވެހި ފިރިހެނަކު މަރުވެފައިވާ ކަމަށެވެ. މިއީ ރާއްޖޭގައި ކޮވިޑް ޖެހިގެން މަރުވި 111 ވަނަ މީހާއެވެ.
ރޭ ދަންވަރުން ފެށިގެން މިއަދު ހެނދުނާ ހަމައަށް އިތުރު 5 މީހުން ވަނީ މަރުވެފައެވެ. އެއީ ލާމު ގަމުގައި އިންނަ ކޮވިޑް މެނޭޖްމެންޓް ފެސިލިޓީގައި ފަުވާދެމުން ދިޔަ 87 އަހަރާ 69 އަހަރުގެ 2 ދިވެހިންނާ އައިޖީއެމްއެޗް އީއާރުގައި ފަރުވާދެމުން ދަނިކޮށް މަރުވި 73 އަހަރުގެ ދިވެއްސަކާ ހުޅުމާލެ މެޑިކަލް ފެސިލިޓީގައި ފަރުވާދެމުން ދިޔަ 51 އަހަރުގެ ބިދޭސީއަކާ 63 އަހަރުގެ ދިވެއްސެކެވެ.
ރާއްޖޭގައި ކޮވިޑް ކޭސްތައް އަދިވެސް އުޅެނީ 1000 އިން މަތީގައެވެ. މިދިޔަ 24 ގަޑިއިރުވެސް މާލެއިން 1،213 މީހުންނާއެކު ޖުމުލަ 1،465 މީހުން ކޮވިޑަށް ޕޮޒިޓިވްވެފައި ވެއެވެ.
