މިއަދު 1467 މީހަކު ކޮވިޑަށް ޕޮޒިޓިވް ވެފައިވާ ކަމަށް ހެލްތް ޕްރޮޓެކްޝަން އެޖެންސި (އެޗްޕީއޭ) އިން ހާމަ ކޮށްފިއެވެ.
އެޗްޕީއޭއިން ބުނީ 1467 ޕޮޒިޓިވް ކޭސް ތެރެއިން 939 ކޭސްއަކީ އިއްޔެގެ އިރު އޮއްސި 6 އިން މިއަދުގެ 6 އާ ހަމައަށް ޕޮޒިޓިވް ވެފައިވާ ކޭސްތައް ކަމަށެވެ. ބަލި ޖެހުނު 1467 މީހުންގެ ތެރެއިން 1267 މީހުންނަކީ މާލޭ ސަރަހައްދުން ބަލި ޖެހުނު މީހުންނެވެ. މިއަދު ޕޮޒިޓިވި މީހުންގެ ތެރެއިން 182 މީހުން ޕޮޒިޓިވްވީ އަތޮޅުތަކުންނެވެ. އަދި ރިސޯޓްތަކުން 18 މީހަކު ވަނީ ޕޮޒިޓިވް ވެފައި ވެއެވެ.
މިދިޔަ 24 ގަޑިއިރުތެރޭ ނެގި ސާމްޕަލްތަކުގެ ތެރޭގައި 5037 ސާމްޕަލް ޓެސްޓް ކޮށްފައި ވެއެވެ. މިއަދު ޕޮޒިޓިވް ވި މީހުންނާއެކު މިއަދު ރާއްޖޭގެ ޖުމްލަ ވަނީ 42،775 އަށް އަރާފައެވެ.
ކޮވިދް ކޭސްތައް އިތުރުވެ ރާއްޖޭގައި ވަނީ ފިޔަވަޅުތައް ހަރުކަށި ކޮށްފައެވެ. އެގޮތުން ފެށިގެން މާލެ ސަރަހައްދުގައި (މާލެ، ހުޅުމާލެ، ވިލިމާލެ) ހަވީރު ހަތަރަކުން ފަތިހު ހަތަރަކާ ދެމެދު ބޭރަށް ނިކުމެ އުޅުން މަނާކުރުމާއި މި މަހުގެ 18 ވަނަ ދުވަހުގެ ނިޔަލަށް މިސްކިތްތަކުގައި ޖަމާއަތުގައި ނަމާދު ކުރުން ހުއްޓާލުމަށް އެންގުން ހިމެނެއެވެ.
އަދި 18 ވަނަ ދުވަހުގެ ނިޔަލަށް ކާބޯތަކެތީގެ ހިދުމަތްދޭ ތަންތަނުގެ އެތެރޭގައި ތިބެގެން ކެއިން ބުއިމުގެ ހިދުމަތް ދިނުން ހުއްޓާލުމާއި މާދަމާއިން ފެށިގެން ދެކުނު އޭޝިޔާގެ ގައުމުތަކުގެ ޓޫރިސްޓުންނަށް ޓުއަރިސްޓް ވިސާ ދިނުން ވަގުތީ ގޮތުން މެދުކަނޑާލަން ވަނީ ނިންމާފައެވެ.
