ރާއްޖޭގައި މިއުޅެނީ ކޮވީޑްގެ އާ ސްޓްރެއިން ކަމަށް ޑރ. މުހައްމަދު އަލީ ވިދާޅުވެއްޖެއެވެ.
ރ. މުހައްމަދު އަލީ ކުރެއްވި ޓުވީޓެއްގައި ވިދާޅުވީ ރާއްޖޭގައި އާ ސްޓްރެއިން އެއް އުޅޭކަމަށް ބޮޑަށް ޔަގީން ކުރެވޭ ކަމަށެވެ. އަދި އާ ސްޓްރެއިން މާބޮޑަށް ނުރައްކާ ކަމަށާއި، ހާއްސަކޮށް ފުއްޕާމެއަށް ގެއްލުންދޭ މިންވަރު ބޮޑު ކަމަށް ޑރ. މުހައްމަދު އަލީ ވަނީ ވިދާޅުވެފައެވެ.
އެހެން ކަމުން ހުރިހާ އެންމެން ވެސް އެމީހެއްގެ ކޮންޓެކްޓް ބަބުލް ކުޑަ ކުރުމަށާ، ރަނގަޅަށް މާސްކް އެޅުމަށާއި އަދި އަތް ދޮވުމަށް ޑރ. މުހައްމަދު އަލީ ވަނީ އިލްތިމާސް ކުރައްވާފައެވެ.
ރާއްޖޭގައި ދުވަހުން ދުވަހަށް ކޮވިޑް ކޭސްތައް އިތުރުވަމުންދާއިރު މިއަދު 766 މީހުން ވަނީ ޕޮޒިޓިވް ވެފައެވެ.
ޕޮޒިޓިވް މީހުންގެ ތެރޭގައި މާލެ ސަރަހައްދުން 571 މީހުން ވަނީ ޕޮޒިޓިވް ވެފައެވެ. މާލެ ސަރަހައްދުން ގިނަ ބަޔަކު ޕޮޒިޓިވް ވެފައި ވާއިރު މީހުން ދިރިއުޅޭ ރަށްރަސުން 171 މީހަކާއި ރިސޯޓުތަކުން 23 މީހަކާއި އިންޑަސްޓްރީއަލް ރަށްރަށުން 1 މީހަކު ވަނީ ޕޮޒިޓިވް ވެފައެވެ.
