މިވަގުތު ރާއްޖެއަށް އައިސް މި އުޅެނީ ކޮވިޑް 19 ގެ ރާޅެއް ކަމަށާ، އާ ވޭރިއަންޓް އުޅުން ވަރަށް ގާތްކަމަށް ހެލްތް އެމަޖެންސީ އޮޕަރޭޝަން ސެންޓާ (އެޗްއީއޯސީ) އިން ބުނެފިއެވެ.
އެޗްއީއޯސީން މިހާރު ކުރިޔަށް ގެންދާ ނޫސްވެރިންގެ ބައްދަލުވުމުގައި ޑރ. މުހައްމަދު އަލީ ވިދާޅުވެފައި ވަނީ ކޮވިޑް ޖެހި ހާލުދެރަވަމުން ދާ ބަލިމީހުންގެ އެކްސްރޭއަށް ބަލާ އިރު ފުއްޕާމޭގެ 2 ފަޅިއަށްވެސް ވަަރަށް ބޮޑަށް އަސަރު ކޮށްފައިި ހުންނަ ކަމަށެވެ. އަދި ހަމައެހެންމެ ބަލި ފެތުރޭ ގޮތަށް ބަލާއިރު ރާއްޖޭގައި ކޮވިޑް 19 ގެ އާ ވޭރިއަންޓެއް އުޅުން ވަރަށް ގާތްކަމަށްވެސް ޑރ. މުހައްމަދު އަލީ ވަނީ ވިދާޅުވެފައެވެ.
ޑރ. އިތުރަށް ވިދާޅުވެފައި ވަނީ 3 މީހެއްގެ ހާލު ސީރިއަސްވެ ގާތުން ބަލަން ޖެހިފައިވާ ކަމަށާއި، އޭގެ ކޮންމެ ބަލި މީހަކަށް އެޓެންޑް ވުމަށް އާންމުކޮށް ބޭނުންވާ ވަރަށް ވުރެ 3 ގުނަ އިތުރަށް ނަރުހުންވެސް ބޭނުންވާ ކަމަށެވެ. އަދި ސާޖެއް (ކުއްލި އިތުރު ވުމެއް) އައިސްފި ނަމަ ރައްކާތެރި ވުމަށް ކުރަންޖެހޭ މަސައްކަތް ނުކުރެވި ދެން ލިބޭ ގެއްލުން ވަރަށް ބޮޑުވެގެން ދާނެ ކަމަށެވެ. އެ ގެއްލުމާ ހަމައަށް ދިޔުމުގެ ކުރިން ރައްކާތެރިކަމުގެ ފިޔަވަޅު މިހާރުވެސް އަޅަންޖެހޭ ކަމަށާއި އަދި ލަސްނުކޮށް ރައްކާތެރިކަމުގެ ފިޔަވަޅު އަޅައިގެން ނޫނީ ކުރިޔަށް ދެވެން ނެތް ކަމަށްވެސް އޭނާ ވިދާޅުވެފައިވެއެވެ.
އޭނާ އިތުރަށް ވިދާޅުވީ، މިހާރު ހާލު ސީރިއަސް މީހުން ބެލެހެއްޓުމަށާއި އަދި ފަރުވާ ދިނުމަށް 14 ގަޑި އިރެއްހާ އިރު ބަލި މީހާ ބަންޑުން ބާއްވާ، އަދި 8 އެއްކަ ގާޑި އިރު ބަލި މީހާ އުއްޑުން ބޭއްވުން ފަދަ ބުރަ މަސައްކަތް މިހާރުވެސް ކުރަން ޖެހިފައިވާ ވާކަމަށެވެ. އަދި އެ މަސައްކަތަށް ގިނަ އަދަދެއްގެ މެޑިކަލް އޮފިޝަލުން ނުވަތަ ނަރުހުން ބޭނުންވާ އިރު ހާލަތު އިތުރަށް ގޯސްވާނަމަ ގޮންޖެހުންތައް ކުރިމަތި ވުމުގެ ފުރުސަތު ބޮޑުކަމަށެވެ.
ފާއިތުވި 24 ގަޑީރު ރާއްޖެއިން 601 މީހަކު ވަނީ ކޮވިޑަށް ޕޮޒިޓިވް ވެފައެވެ.
