މިއަދު ރެކޯޑް އަދަދަކަށް މީހުން ކޮވިޑަށް ޕޮޒިޓިވް ވެއްޖެއެވެ. ވޭތުވެ ދިޔަ 24 ގަޑި އިރުގެ ތެރޭގައި 3854 ސާމްޕަލެއް ޓެސްޓް ކޮށްފައި ވާއިރު، މިއަދު 402 މީހަކު ކޮވިޑަށް ޕޮޒިޓިވް ވެފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެއެވެ.
އެޗްޕީއޭ އިން ބުނީ މިއަދު ޕޮޒިޓިވް ވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވް ވި 174 މީހަކާއި، ހިންގަމުން ދާ ރިސޯޓުތަކުން 6 މީހަކާއި މީހުން ދިރިއުޅޭ ރަށްރަށުން ޕޮޒިޓިވްވި 179 މީހަކާއި އިންޑަސްޓްރިއަލް އިން 43 މީހުން ކަމަށެވެ.
މިއަދުގެ ކޮވިޑް އަޕްޑޭޓް
- މިއަދު ޕޮޒިޓިވްވި އަދަދު: 402
- ހޮސްޕިޓަލުގައި އެޑްމިޓް ކޮށްފައިވާ މީހުންގެ އަދަދު: 161
- ޕޮޒިޓިވްވި މީހުންގެ ޖުމްލަ އަދަދު: 30،237
- ކޮވިޑް އެކްޓިވް ކޭސް: 5221
- ބަލިން ރަނގަޅުވި މީހުންގެ ޖުމްލަ އަދަދު 24،934
- ކޮވިޑް މަރުގެ ޖުމްލަ އަދަދު: 73
މިއަދު 402 މީހުން ޕޮޒިޓިވްވި އިރު އިއްޔެ ވަނީ 465 މީހަކު ކޮވިޑަށް ޕޮޒިޓިވް ވެފައެވެ. ބުރާސްފަތި ދުވަހު 318 މީހުން ޕޮޒިޓިވްވެފައިވާއިރު މިދިޔަ ބުދަ ދުވަހު 464 މީހަކު ވަނީ ޕޮޒިޓިވްވެފައެވެ. އަންގާރަ ދުވަހު 386 ކޭސް، ހޯމަ ދުވަހު 328 ކޭސް ވަނީ ރިޕޯޓްކޮށްފައެވެ. މިދިޔަ އާދިއްތަ ދުވަހު 253 މީހަކު ކޮވިޑް ޕޮޒިޓިވް ކޭސް ރިޕޯޓް ކޮށްފައި ވާއިރު ހޮނިހިރު ދުވަހު ވަނީ 218 ކޭސް ރިޕޯޓް ކޮށްފައެވެ. ހަމައެއާއެކު ހުކުރު ދުވަހު ވަނީ 318 ކޭސް ރިޕޯޓް ކޮށްފައެވެ.
