ބަލި މީހަކު ހޮސްޕިޓަލަށް ގެންދިއުމަށް އެމްއެންޑީއެފުން އެހީތެރިކަން ފޯރުކޮށް ދީފިއެވެ.
އެމްއެންޑީއެފުން ބުނީ ހެންވޭރު ގެއެއްގައި ފަސް ވަނަ ފަންގިފިލާގައި އޮތް 26 އަހަރުގެ ހާލުބޮޑު ފިރިހެނަކު ހޮސްޕިޓަލަށް ގެންދިއުމަށް އެހީތެރިކަން ފޯރުކޮށް ދީފައިވާ ކަމަށެވެ.
އެގޮތުން ފަސް ވަނަ ފަންގިފިލާއިން އެމީހާ ތިރިއަށް ބޭލުމުގައި އެމްއެންޑީއެފް ފަޔާ އެންޑް ރެސްކިއު ސާވިސް އިން އެހީތެރިކަން ފޯރުކޮށް ދީފައިވާ ކަމަށް ވަނީ ބުނެފައެވެ.
އެމްއެންޑީއެފުން ބުނީ އެ ބަލި މީހާ ތިރިއަށް ބާލާފައި ވަނީ ރޭ 10:44 ހާއިރު ކަމަށެވެ.
އެމްއެންޑީއެފުން ވަނީ މީގެ ކުރިން ވެސް ބަލިމީހުން ހޮސްޕިޓަލަށް ގެންދިއުމަށް އެހީތެރިކަން ފޯރުކޮށްދީފައެވެ. އަދި މަގުމަތިން ނޫނީ ކަނޑުގައި ދިމާވާ އެފަދަ ހާލަތްތަކުގައި ވެސް އެމްއެންޑީއެފުން ވަނީ ހަރަކާތްތެރި ވެފައެވެ.
