ކިރިގިސްތާނުގެ ލޭކް އައިޒީކް-ކޫ އޭ ކިއާ ސަރަހައްދުގެ ވާދީއެއްގައި، އުމުރުން 8 އަހަރުގެ އަންހެން ކުއްޖަކަށް ބާޒެއް ހަމަލާ ދީފިއެވެ.
ބަލާ ބެލުމަށް، ހިޔާލީ ދުނިޔެއެއްގައި ކުޅެން ހުރި އަންހެން ކުއްޖާއަށް ހަމަލާ ދިނީ ގޯލްޑަން އީގަލްއޭ ކިއާ ޒާތުގެ ބާޒެކެވެ. މި ބާޒަކީ ބޮޑު ދޫންޏެއް ކަމަށް ސިފަ ވީ ނަމަވެސް، މި ޒާތުގެ ބާޒު ހަމަ ލޮލަށް ދުށް މީހުން ސިފަ ކުރާ ގޮތުގައި މިއީ، އުދުހޭ "ޑައިނަސޯ" އެކެވެ.
ކިރިގިސްތާނުގައި ބާޒުގެ ހަމަލާ އަމާޒުވި ކުއްޖާ ކުޅެން ހުރި ސަރަހައްދަކީ، މި ޒާތުގެ ބާޒުގެ ޝޯތަކަށް ހާއްސަކޮށްފައިވާ ސަރަހައްދެކެވެ. އެ ސަރަހައްދަކީ، އާންމު ކޮށް ވަދެ އުޅުން މަނާވެސް ކޮށްފައި އޮންނަ ސަރަހައްދެކެވެ.
ބާޒުގެ ކިބައިން ކުޑަ ކުއްޖާ ސަލާމަތް ކުރުމަށް، އެ ސަރަހައްދުގައި ތިބި ތަޖުރިބާކާރުން ވަނީ ހަރަކާތްތެރިވެފައެވެ.
ބާޒުގެ ހަމަލާއިން ކުއްޖާއަށް މާ ބޮޑު ޒަހަމްތަކެއް ނުލިބެއެވެ. ނަމަވެސް ދެތިން ރޮއްޖެއް ޖަހައިގެން ފަހަން ޖެހުނު ކަމަށް ހަބަރު ލިބެއެވެ.
ކަމާބެހޭ ފަރާތްތަކުން ބުނި ގޮތުގައި މި ބާޒަރަކީ ޝިކާރަ ކުރަމުން ދިޔަ ބާޒެއް ނޫންނެވެ. އެހެން ނޫންނަމަ ކުއްޖާގެ ފުރާނަވެސް ސަލާމަތް ނުވީސް ކަމަށް ބުނެވެއެވެ.
