އެމްއެންޑީއެފުން އޮޓޮމެޓިކް ސެނިޓައިޒާ މެޝިނެއް އުފައްދައިފިއެވެ.
އެ މެޝިން އުފައްދާފައިވަނީ އެމްއެންޑީއެފްގެ ސެނަހިޔާ ހޮސްޕިޓަލްގައި މަސައްކަތް ކުރާ ސްޓާފް ސާޖަންޓް ޝަރީފެވެ.
ސްޓާފް ސާޖަންޓް ޝަރީފް ވަނީ އޮޓޮމެޓިކް ސެނިޓައިޒާ މެޝިނެއް ޑިފެންސް މިނިސްޓަރު މާރިޔާ އަހުމަދު ދީދީ އާ ވެސް ހަދިޔާ ކުރައްވާފައެވެ.
އެމްއެންޑީއެފުން ވަނީ މީގެ ކުރިން ނޭޝަނަލް އެމަޖެންސީ ސެންޓަރަށް ބޭނުންވާ އެމަޖެންސީ ވެންޓިލޭޓަރެއްް ވެސް އުފައްދާފައެވެ. ހަލާކުވެފައިވާ ބައެއް އިލެކްޓްރޯނިކް އިކުއިޕްމަންޓްސްގެ ބައިތައް ބޭނުން ކޮށްގެން އެ ވެންޓިލޭޓަރުގެ މަސައްކަތް 14 ދުވަހުގެ ތެރޭގައި ވަނީި ނިންމާފައެވެ.
އެވެންޓިލޭޓަރު ދައްކާލުމަށް ބޭއްވި ރަސްމިއްޔާތުގައި ވެސްމިނިސްޓަރު މާރިޔާ އަހުމަދު ދީދީ ވަނީ ބައިވެރިވެ ވަޑައިގަންނަވާފައެވެ.
އެޑިޓް ކުރީ: މިޒްނާ މުހައްމަދު
