ދަރަޖައިގެ ގޮތުން ބޮޑެތި ތަފާތުކުރުންތަކެއް ގެންގުޅޭ އިންޑިއާގެ މަތީ ފަންތިއަށް ނިސްބަތްވާ 4 މީހުންގެ ގުރޫޕަކުން ގޭންގު ހަދައިގެން ރޭޕް ކުރި ކަމަށް ތުހުމަތު ކުރެވޭ 19 އަހަރުގެ ޒުވާން އަންހެނަކަށް ހޮސްޕިޓަލުގައި ފަރުވާ ދެމުން ދަނިކޮށް މަރުވެއްޖެއެވެ.
އިންޑިއާގެ ވެރިރަށް ނިއުދިއްލީގެ ހޮސްޕިޓަލެއްގައި، ސީރިއަސް އަނިޔާތަކަކާއެކު، މި ޒުވާން އަންހެނާ އެޑްމިޓްކުރީ މީގެ 2 ހަފުތާއެއްހާ ދުވަސް ކުރިންނެވެ.
ޒުވާން އަންހެނާއަށް ރޭޕްގެ ހަމަލާ އަމާޒުވީ ސެޕްޓެމްބަރު މަހުގެ 14 ވަނަ ދުވަހު، އުއްތަރަ ޕްރަދޭޝް ސްޓޭޓްގައެވެ.
ހަތުރާސް ޑިސްޓްރިކްޓްގައި މި ޖަރީމާ ހިންގި 4 މީހުންވެސް ހައްޔަރު ކޮށްފައި ވާކަމަށް ޚަބަރު ލިބެއެވެ.
ރޭޕްގެ ޝިކާރައަކަށްވި 19 އަހަރުގެ ޒުވާނާ މަރުވި ޚަބަރު ފެތުރުމާއެކު، އިންޑިއާގެ މަސްރަހު ވަނީ ނުތަނަވަސްވެ، ހަލަބޮލިވެފައެވެ.އާއިލާވެސް ދަނީ އިންސާފު ހޯދާ ދިނުމަށް ލަސްވަމުންދާ ކަމުގެ ޝަކުވާ އުފުލާފައެވެ.
ކުރީގެ ޗީފް މިނިސްޓަރެއް ކަމަސްވާ އަކިލޭޝް ޔާދޭވް ވަނީ، އަންހެނުންނާ ދެކޮޅަށް ހިންގާ ޖަރީމާތަކަކީ ސަރުކާރަށް "މާ ބޮޑު ކަމަކަށް" ނުވާ ކަމަށް ބުނެ، އިންޑިއާގެ ސަރުކާރަށް ފާޑުކިއާފައެވެ.
2012 ވަނަ އަހަރުވެސް ދިއްލީގައި ވަނީ ރޭޕްގެ މިފަދަ ހާދިސާއެއް ހިނގާފައެވެ. މި ހާދިސާއަށް ބައިނަލްއަގުވާމީ ސަމާލުކަން ވަނީ ހުއްޓިފައެވެ.
ރޭޕް ކުރުމަކީ އިންޑިއާގައި އާންމު ކަމަކަށް ވެފައި ވާއިރު، އެ މައްސަލައަށް އަދިވެސް ހައްލެއް ނުލިބެއެވެ.
