ކޮވިޑް-19 އަށް ޕޮޒިޓިވްވި މީހުންގެ ތެރެއިން 182 މީހަކު ބަލިން ރަނގަޅުވެއްޖެއެވެ.
މިދިޔަ 24 ގަޑިއިރުތެރޭ 182 ރަނަގަޅު ވުމާއެކު، މުޅިއެކު މި ބަލިން ރަނގަޅުވި މީހުންގެ އަދަދު 4873 އަށް އަރާފައެވެ. މި ބައްޔަށް ޕޮޒިޓިވްވި 7469 މީހުންގެ ތެރެއިން 28 މީހަކު ވަނީ ނިޔާވެފައެވެ.
މިހާރު އެކްޓިވް ކޭސްތަކުގެ ތެރޭގައި ހިމެނެނީ 2568 މީހެކެވެ. އޭގެ ތެރެއިން 192 މީހަކު މިހާރު ވަނީ ހޮސްޕިޓަލުގައެވެ. އަދި 1426 މީހަކު އައިސޮލޭޝަން ފެސިލިޓީތަކުގައި އެބަ ތިއްބެވެ.
މިއަދު 140 މީހުން ވަނީ ކޮވިޑަށް ޕޮޒިޓިވް ވެފައެވެ. މިއަދު ކޮވިޑަށް ޕޮޒިޓިވްވި މީހުންގެ ތެރޭގައި ހިމެނެނީ، 114 ދިވެހިންނާއި، ބަންގްލަދޭޝަށް ނިސްބަތްވާ 17 މީހަކާއި އިންޑިއާގެ 3 މީހަކާއި އެމިރޭޓްސް 3، ނޭޕާލްގެ 2 މީހަކާއި ކެންޔަންގެ މީހަކާއި ފްރެންޗުގެ މީހެކެވެ.
މިއަދު ޕޮޒިޓިވްވި 140 މީހުންގެ ތެރެއިން 134 މީހުންނަކީ މާލެ ސަރަހައްދުން ޕޮޒިޓިވްވި މީހުންނެވެ. އަދި 6 މީހުންނަކީ އަތޮލޫތެރެއިން ޕޮޒިޓިވްވި މީހުންނެވެ.
