މިއަދު ރާއްޖޭގައި ކޮވިޑަށް 133 މީހުން ޕޮޒިޓިވް ވެއްޖެއެވެ. އޭގެތެރެއިން 103 މީހުންނަކީ ދިވެހިން ކަމަށް އެޗްއީއޯސީން ބުނެފިއެވެ.
މިއަދު ކޮވިޑަށް ޕޮޒިޓިވްވި މީހުންގެ ތެރޭގައި ހިމެނެނީ، 103 ދިވެހިންނާއި، ބަންގްލަދޭޝަށް ނިސްބަތްވާ 15 މީހަކާއި އިންޑިއާގެ 8 މީހަކާއި އެމިރޭޓްސްގެ 2 މީހަކާއި އިނގިރޭސިވިލާތުގެ 2 މީހަކާއި ސްރީލަންކާގެ 2 މީހަކާއި ނޭޕާލްގެ މީހެކެވެ.
މިހާރު އެކްޓިވް ކޭސްތަކުގެ ތެރޭގައި ހިމެނެނީ 2588 މީހެކެވެ. އޭގެ ތެރެއިން 171 މީހަކު މިހާރު ވަނީ ހޮސްޕިޓަލުގައެވެ. އަދި 1458 މީހަކު އައިސޮލޭޝަން ފެސިލިޓީތަކުގައި އެބަ ތިއްބެވެ. މި ބައްޔަށް ޕޮޒިޓިވްވި މީހުންގެ ޖުމްލަ އަދަދު 6912 އަށް އަރާފައި ވާއިރު އޭގެތެރއިން މީހުންގެ ތެރެއިން 27 މީހަކު ވަނީ ނިޔާވެފައެވެ.
އަދި މިހާތަނަށް މި ބަލިން ރަނގަޅުވެފައިވާ މީހުންގެ އަދަދު ވަނީ 4297 އަށް އަރާފައެވެ. މިއަދުގެ ތަފާސްހިސާބުތައް ދައްކާ ގޮތުގައި 75 މީހުން ވަނީ މިއަދު ބަލިން ރަނގަޅުވެފައެވެ.
މިއަދު ޕޮޒިޓިވްވި މީހުންގެ ތެރެއިން 110 މީހަކު މާލެ ސަރަހައްދުން ޕޮޒިޓިވް ވެފައިވާއިރު، 9 މީހަކު ޕޮޒިޓިވްވީ އަތޮޅުތެރެއިންނެވެ.
މިއަދު ޕޮޒިޓިވްވި 133 މިޙުންގެ ތެރެއިން 121 މީހުންނަކީ މާލެ ސަރަހައްދުން ޕޮޒިޓިވްވި މީހުންނެވެ. އަދި 12 މީހުންނަކީ އަތޮލޫތެރެއިން ޕޮޒިޓިވްވި މީހުންނެވެ.
