ކޮވިޑަށް އިތުރު 22 މީހުން ޕޮޒިޓިވް ވެ ޖުމްލަ 766 އަށް އަރައިފިއެވެ.
މިއަދު ޕޮޒިޓިވް ވި މީހުންގެ ތެރޭގައި ހިމެނެނީ ބަނގްލަދޭޝްގެ 4 މީހުންނާއި 16 ދިވެހިންނާއި އިންޑިއާ ރައްޔިތަކާއި ނޭޕާލުގެ ރައްޔިތެކެވެ.
މިއަދު ޕޮޒިޓިވެ ވި މީހުންނެ ތެރޭގައި ގިނައީ ދިވެހިންނެވެ.
ތަފާސް ހިސާބުތައް ދައްކާ ގޮތުން، ރާއްޖެއިން ކޮވިޑަށް ޕޮޒިޓިވް ވި މީހުންގެ ތެރޭގައި އެންމެ ގިނައީ ބަންގްލަދޭޝްގެ ރައްޔިތުންނާއި ދިވެހިންނެވެ.
މިހާހިސާބަށް ޕޮޒިޓިވް ވި މީހުންގެ ނިސްބަތް؛
- ބަންލަދޭޝް 420
- ދިވެހިން 254
- އިންޑިއާ 61
- އިޓަލީ 11
- ނޭޕާލް 8
- ސްރީލަންކާ 5
- ޕާކިސްތާން 3
- އެހެނިހެން 4 މީހުންނެވެ.
ރާއްޖެއިން ކޮވިޑަށް ޕޮޒިޓިވް ވި މީހުންގެ ތެރެއިން އިއްޔެއާ ހަމައަށް 645 ފިހިރެނަކާއި 99 އަންހެނުން ޕޮޒިޓިވް ވެފައިވެއެވެ.
ރާއްޖޭގައި ކޮވިޑަށް ޕޮޒިޓިވް ވާ ނިސްބަތް އިތުރުވަމުން ދިއުމާއެކު، ކަރަންޓީނު ކުރަން ޖެހޭ މީހުންގެ އަދަދުވެސް ދުވަހުން ދުވަހަކަށް ދަނީ އިތުރު ވަމުންނެވެ. އަދި ކަރަންޓީނު ކުރަން ޖެހޭ މީހުން ބައިތިއްބުމަށްޓަކައި 800 މީހުންގެ ޖާގައިގެ ފެސިލިޓީއަކާއި 600 މީހުންގެ ޖާގައިގެން ފެސިލިޓީއެއް ހަދަމުން އެބަދެއެވެ.
މިހާތަނަށް ކަރަންޓިނުގައި 1600 އަށް ވުރެ ގިނަ މީހުން ތިބި އިރު އައިސޮލޭޝަންގައި 600 އެއްހާ މީހުން އެބަތިއްބެއެވެ.
ރާއްޖޭގައި މިބަލި އެންމެ ގިނައިން ފެތުރެމުން ދަނީ ބިދޭސީންގެ ތެރޭގައި ކަމަށް ވީއިރު، ބިދޭސީން ދިރިއުޅޭ 28 ތަނެއް މިހާރު ވަނީ މޮނިޓަރިންގެ ހާލަތަށް ބަދަލުކޮށްފައި ކަމަށް އެޗްޕީއޭއިން ބުނެއެވެ.
މިހާތަނަށް އައި އިރު ރާއްޖެއިން މި ބަލި ޖެހިގެން ތިން މީހަކު ވަނީ މަރުވެފައެވެ. އޭގެތެރޭގައި ހިމެނެނީ 83 އަހަރުގެ ދިވެހި އަންހެނަކާއި 33 އަހަރުގެ ބަންގްލަދޭޝް ފިރިހެނަކާއި 80 އަހަރުގެ ދިވެހި ފިރިހެނެކެވެ. ރާއްޖެއިން ކޮވިޑް ފެނި މާލެ ސަރަހައްދުން ޕޮޒިޓިވް ވާ މީހުންގެ އަދަދު މަތިވަމުން ދާއިރު، ކުރިއަށް އޮތް ހަފްތާއެއްގެ ތެރޭގައި މާލެ ސަރަހައްދުން ބަލި ޖެހޭ މީހުންގެ އަދަދު އިންތިހާއަށް މައްޗައް ދާނެ ކަމަށް ބެލެވޭ ކަމުގައި އެޗްޕީއޭއިން ބުނެއެވެ. އަދި މިވާހަކައާއެކު، މީހުން ގޭގޭގައި މަޑުން ތިބުމަށާއި، އެކި ސަރަހައްދުތަކުން މާލެއަށް މީހުން ނައުމަށްވެސް ވަނީ ގޮވާލާފައެވެ.
